Ի՞նչ է կատարվում Նախիջեւանի սահմանին. իշխանությունը լռում է

«Իրավունքի» ունեցած տեղեկությունների համաձայն` Արենի գյուղի դիրքերի ուղղությամբ երկու օր առաջ խոշոր տրամաչափով կրակ է բացվել հակառակորդի կողմից: Եվ թեպետ մարդկային կորուստներ չենք ունեցել, բայց վնասներ այդուհանդերձ եղել են: Գյուղացիներն անհանգստացած են, երկմտում են՝ գնալ իրենց այգիները, թե՝ ոչ, իսկ իշխանություններն առանց վարանելու, թեման կոծկել են: Լուռ է ոչ միայն ՀՀ արտաքին գործերի նախարարությունը, որ արդեն հարվածում են հայաստանյան սահմաններին, այլ նաեւ Պաշտպանության նախարարությունը: Տեղի ունեցածի մասին «Իրավունքը» փորձեց մանրամասներ պարզել Արենի համայնքի ղեկավար ՀՈՒՍԻԿ ՍԱՀԱԿՅԱՆԻՑ:

– Այս պահի դրությամբ նորմալ է, ոչ մի կրակոց չկա: Իրականում երկու օր առաջ ինտենսիվ կրակոցներ եղել են, բայց ազգաբնակչությունը չի տուժել: Մնացած մանրամասները ես չեմ կարող հրապարակել:

– Պարոն Սահակյան« այս պահին կա՞ լարվածություն գյուղում, եւ որքանո՞վ է գյուղացիների համար անվտանգ գնալ իրենց այգիները:

– Բացարձակապես լարվածություն չկա, կրակոցի օրն էլ լարվածություն չի եղել: Հեռավորության տեսանկյունից` իսկապես վտանգավորություն կա, բայց մինչեւ այսօր գյուղացիների ուղղությամբ կրակոցներ չեն եղել:

Ի դեպ, փորձեցինք պարզել նաեւ ՀՀ պաշտպանության նախարարության լռության պատճառը: Մեզ հետ զրույցում ՀՀ ՊՆ մամուլի խոսնակ ՇՈՒՇԱՆ ՍՏԵՓԱՆՅԱՆԸ տվեց խուսափողական պատասխան՝ միայն նշելով, որ. «Որեւէ լուրջ վնաս չենք կրել»:

ՀՐԱՆՏ ՍԱՐԱՖՅԱՆ

Այս թեմայով Գեւորգ Սուջյանը նորություն ունի «Կալաշնիկով»-ը ներկայացրել է հակադրոնային պաշտպանության նոր համակարգ Զելենսկին պատժամիջոցներ է սահմանել իր իսկ նախկին մամուլի քարտուղարի նկատմամբ Սեմյոն Բաբայանը պատասխաններ է պահանջում ԿԳՄՍ նախարարությունից Ստատուս գրելը հեշտ է, գործից խոսեք