«ՍԱ ԲԱՆԱԿԻ ԱՐԺԵԶՐԿՄԱՆՆ ՈՒՂՂՎԱԾ ՄԻՏՈՒՄՆԱՎՈՐ ՔԱՅԼ ԷՐ»

Համացանցը ողողված է մի ԼԳԲՏ-ականի տեսանյութով ու լուսանկարներով, որտեղ վերջինս պարում է ո՛չ ավել, ո՛չ պակաս Հայոց բանակի համազգեստով: Եվ մինչ ողջ հանրությունը քննադատում է այս երեւույթը, երեկ ի պաշտպանություն վերոնշյալի՝ հանդես եկավ հայտնի տրանսգենդեր Լիլիթ Մարտիրոսյանը, որը ժամանակին նաեւ ԱԺ ամբիոնից էր ելույթ ունեցել: Նա ուղղակիորեն կրկնեց վարչապետ Նիկոլ Փաշինյանի խոսքերը, թե «հանգիստ նստեք տեղներդ»: Այս ամենի շուրջ «Իրավունքը» զրուցեց ռազմական փորձագետ ԱՐԹՈՒՐ ԵՂԻԱԶԱՐՅԱՆԻ հետ:

– Պարոն Եղիազարյան, ըստ Ձեզ, սա բանակի դեմ ուղղված միտումնավո՞ր քայլ էր:

– Միանշանակ միտումնավոր քայլ էր, որովհետեւ չեմ կարծում, որ կա այն աստիճանի դեբիլ, որը չի հասկանում, թե ինչ ռեակցիա սա կարող է առաջացնել: Իսկ գիտակցելով անել նման քայլ՝ նշանակում է, որ կազմակերպված էր: Իհարկե, չեմ կարող հստակ ասել, թե կոնկրետ ինչ շրջանակի կողմից, բայց այն, որ համազգեստի հանդեպ նման ծաղրանքն ուղղված էր բանակի արժեզրկմանը, միանշանակ կարող եմ պնդել, ընդ որում՝ ոչ թե ակամա, այլ գիտակցված քայլ էր:

– Թե որ շրջանակի կողմից էր կազմակերպված, կամաց-կամաց ուրվագծվում է: Երեւույթին արդեն իր աջակցությունն է հայտնել տրանսգենդեր Լիլիթ Մարտիրոսյանը: Չե՞ք կարծում, որ սա հետեւանքն է նրա, որ ԱԺ ամբիոնից թույլ տրվեց, որպեսզի տրանսգենդեր ելույթ ունենա:

– Այո, այդ նույն շրջանակն է, որոնք այլ «արժեքային» համակարգի փոփոխություններ են ուզում բերել Հայաստան: Նրանք հանրության չնչին փոքրամասնությունն են կազմում, նույնիսկ մեկ-երկու տոկոսի չի հասնում այդ շերտը, բայց իրենց բարձրացրած աղմուկներով, մոտեցումներով այնպիսի տպավորություն են թողնում, թե իրենք հասարակության լուրջ ակտիվ եւ քանակային ինչ-որ տեսակ են, եւ պետք է հարգվեն իրենց իրավունքները՝ այն դեպքում, երբ անգամ իրենց ապրելակերպը, տեսակը ոչ մեկին չի էլ հետաքրքրում: Մինչդեռ նրանք հրապարակայնացնելով իրենց կյանքը՝ փորձում են դրանով իրենց առկայությունը դարձնել ավելի հրապարակային եւ ընդունելի հանրության համար:

ՀՐԱՆՏ ՍԱՐԱՖՅԱՆ

Թեմայի շարունակությունը կարդացե՛ք թերթի առաջիկա համարներից մեկում:

Այս թեմայով Հիմա ևս երկու ադրբեջանցու են ման գալիս Սյունիքում. Արթուր Դանիելյան Արթուր Այվազյանը՝ «Մանախը», ձերբակալվել է Ով է Արթուր Օհանյանը, ում առավոտյան ձերբակալել է Հակակոռուպցիոն կոմիտեն «Իրավունք». Ով է Վանեցյանի կուսակցությունով առաջադրված Լեվոն Վահրադյանը Արթուր Վարդանյանի կյանքին վտանգ է սպառնում. Փաստաբան