Քննարկվել է մի քանի ոլորտներում իրականացվող վարկային ծրագրերի ընթացքը

Վարչապետ Նիկոլ Փաշինյանի մոտ տեղի ունեցած խորհրդակցության ընթացքում քննարկվել են պետական կառավարման համակարգում, առողջապահության և աշխատանքի ու սոցիալական ոլորտներում իրականացվող վարկային ծրագրերի ընթացքը:

Մասնավորապես, զեկուցվել է, որ 2016 թվականից ընթացքի մեջ գտնվող Պետական հատվածի արդիականացման 3-րդ վարկային ծրագրի նպատակն է էլեկտրոնային կառավարման համակարգի, ինչպես նաև թվայնացման գործիքների ներդրումը պետական կառավարման ոլորտում, ինչը կնպաստի վերջինիս արդյունավետության բարձրացմանը: Ծրագիրը նախատեսվում է ավարտել 2022 թվականին: 21 մլն դոլար վարկային միջոցից տեղաբաշխվել է 11 մլն դոլարը, իսկ ընթացիկ տարում նախատեսվում է իրականացնել 8,3 մլն դոլարի ծրագիր:

Առողջապահության ոլորտում «Հիվանդությունների կանխարգելման և վերահսկման ծրագրով» իրականացվում են բժշկական կենտրոնների կառուցման, տեխնիկական միջոցների համալրման, պոլիկլինիկաներում սքրինինգային հետազոտությունների իրականացաման միջոցառումներ: Ծրագրի շրջանակում նախատեսվում է առաջիկայում ամփոփել Մարտունու բժշկական կենտրոնի կառուցման մրցույթը, որից հետո շինարարական աշխատանքները կմեկնարկեն:

Աշխատանքի և սոցիալական հարցերի ոլորտում գործող վարկային ծրագրի շրջանակում հանրապետությունում կառուցվում են ինտեգրված կենտրոններ: Արդեն իսկ կառուցվել է նման 27 կենտրոն, 11-ի աշխատանքներն ընթացքի մեջ են: Եվս 25 կենտրոն կկառուցվի մինչ 2023 թվականը:

Վարչապետը կարևորել է վարկային ծրագրերի արդյունավետ և ժամանակին իրականացումը ու տվել կոնկրետ հանձնարարականներ:

Այս թեմայով «Փաստ». Սահմանադրական կարգի տապալման ընթացքը Հայաստանում Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում «Ժողովուրդ». Հերթական մահացած զինծառայողի գործով քննվում են մի քանի վարկածներ 8000 արցախցի ստացել է բնակարանի սերտիֆիկատ, բայց իրացվել է միայն 4000-ը. Գեղամ Ստեփանյան