Սուրբ Հարության տոնը «Արտակարգ պայմաններում»

Հայ Առաքելական եկեղեցին ապրիլի 12-ին տոնախմբում է Սուրբ Հարության տոնը։ Թե՛ հոգևորականների և թե՛ հավատացյալների համար դժվար է պատկերացնել տոնախմբությունը դատարկ եկեղեցիներում, բայց օրենքը օրենք է բոլորի համար և ամեն տեղ։

Ավագ շաբաթվան նվիրված եկեղեցական  բոլոր արարողակարգերն անցան առանց հավատացյալների, փակ դռների ետևում՝  հոգևորականներով  և խնկի անուշահոտությամբ միայն։

Այս օրերին, երբ աշխարհի ցանկացած կետում  նույն համավարակի «շունչն է», Հայ Առաքալական եկեղեցիների բոլոր թեմերում էլ արարողակարգերը կանցկացվեն ըստ տվյալ երկրի սահմանված օրենքների։

Սամցխե-Ջավախքի և Ծալկայի ընդհանուր Առաջնորդական փոխանորդ Տեր Մաղաքիա վարդապետ Ամիրյանի հետ զրույցում  նա  նշեց, որ այս տարի Ավագ Ուրբաթ օրը չկարողացան  զարդարել Քրիստոսի խորհրդանշական գերեզմանը, քանի որ Վրաստանում փակ են բոլոր ծաղկի սրահները և հնարավորություն չկա ծաղիկներ ձեռք բերելու։

Հայր Սուրբը նշեց, որ Վարաստանի հայկական եկեղեցիներում դռները հավատացյալների առջև փակ չեն լինելու , սակայն այնտեղի սահմանաված օրենքի համաձայն, 10 հոգուց ավել մարդ չի կարող գտնվել փակ տարածությունում։ Ուստի՝ թե Ճրագալույցի և թե Սուրբ Հարության Պատարագներից հետո հավատացյալները փոքր խմբերով կմտնեն եկեղեցի, կվերցնեն Ճրագը և  կհաղորդվեն։

Հայր Մաղաքիան նշեց, որ Ըստ պաշտոնական տվյալների Ջավախքում կորոնավիրուսի հաստատաված դեպք չկա, սակայն բոլորը, այդ թվում հոգևոր և հավատավոր դասը,  առավել քան հետևում են արտակարգ ռեժիմի սահմանված օրենքներին։

Հայաստանում Սուրբ Հարության տոնը նույնպես կընթանա սահմանաված օրենքին համահունչ։ Մայր Աթոռ սուրբ էջմիածինը հորդորում է հավատացյալներին Պահքը լուծել ապրիլի 11-ին՝ Ճրագալույցի Սուրբ Պատարագից հետո, և , առավելագույն պատասխանատվությամբ, պահպանելով ինքնամեկուսացման սահմանված կանոնները, հաջորդ օրերին առանձնաբար այցելել եկեղեցիներ և հոգևոր հովիվներից ստանալ Սուրբ Հաղորդություն։

Արցախի թեմի Քրիստոնեկան քարոզչության և դաստիարակության պատասխանատու, Ասկերանի հոգևոր հովիվ Տեր Մեսրոպ քահանա Խունոյանը նշեց, որ հետևում են Մայր Աթոռի հրահանգին և արարողությունները փակ եկեղեցիներում են անցկացնելու։

Որոշում ենք կայացրել եկեղեցիների բակերում տեղադրել հեռուստացույցներ ու բարձրախոսներ, որպեսզի հավատացյալները, դրսում պահպանելով համապատասխան հեռավորություն, հետևեն Պատարագի ընթացքին։

Մենք նախատեսում ենք Հաղորդությունը բաշխել Հարության տոնին հաջորդող օրերին, սակայն եթե հավատացյալներից ոմանք ցանկանան  հենց այդ օրը հաղորդվել, պահպանելով հիգենայի կանոնները, մեկ մեկ  կմոտենանան և կստանան Հաղորդությունը։

Ամերիկայի Արևմտյան թեմից Տեր Հովսեփ քահանա Հակոբյանից տեղեկանում ենք․

 Վեհափառ Հայրապետի հրահանգն է նամակով ուղղված մեր Թեմի Առաջնորդ Հովնան Սրբազանին, որ Զատկական բոլոր արարողությունները կատարվեն դռնփակ՝ առանց ժողովրդի մասնակցության։ Դրանք հեռարձակվում են օնլայն եւ ֆեյսբուքի, ինչպես նաեւ հեռուստատեսության մեր ունեցած ալիքներով, ինչպես որ տեղի է ունենում աշխարհի մեր բոլոր եկեղեցիներում։ Իսկ հաղորդության պարագային միայն անհատական պայմանավորվելով տեղի Հոգեւոր Հովվի հետ։

Հավատացյալներից շատերի համար առանց Հաղորդության Պահքը լուծելը, մեղմ ասած անընդունելի է ,և նրանք էլ սահամանել են իրենց կանոնները՝ հնարավորնս անվտանգ Պահքը լուծել Սուրբ Հաղորդությամբ։

Եկեղեցու հավատավորներից տիկին Ծովիկը նշեց, որ ամսի 11-ի երեկոյան եկեղեցու բակում, պահպանելով հաստատված հեռավորությունը, հավատացյալներից շատերը կմասնակցեն Սուրբ Պատարագին, այնուհետև հերթականությամբ, մեկ- մեկ կմոտենան հոգևորականին և Հաղորդությամբ լուծելով  Պահքը կգնան տուն՝ իրենց տներում նշելու Քրիստոսի Հրաշափառ Հարությունը ։

Մերի Մակարյան

Այս թեմայով Ուկրաինայում արտակարգ էլեկտրաէներգիայի անջատումներ են. Էներգետիկայի նախարարություն Երուսաղեմի Սուրբ Հակոբ վանքի տարածքում միզելու փորձ կատարող իսրայելցի հրեա տղամարդ բռնվել է Թող Ս․ Խաչը պահապան լինի ամենքիս. այսօր Վարագա Սուրբ Խաչի տոնն է Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Կառավարությունը հրապարակել է «Հայաստանյայց Առաքելական Սուրբ Եկեղեցում առաջացած ճգնաժամի և լուծման ուղիների մասին» զեկույցը