ԱՆՏՈՀՄԻԿ ՄՈՒՏԱՆՏՆԵՐԻ ԺԱՄԱՆԱԿԸ

«Մեր պապերի սխրանքի 75-ամյակը» խորագրի ներքո մենք հրապարակում ենք մշակույթի, արվեստի եւ գիտության գործիչների, իշխանավորների եւ ընդդիմադիրների, ընդհանրապես հայտնի մարդկանց պապերի մասին տեղեկություններ` արդյո՞ք մասնակցել են Մեծ հայրենականին, ո՞ր ռազմաճակատում են կռվել, եթե զոհվել են, ապա ո՞րտեղ են հուղարկավորված եւ այլն:

Մարդիկ հպարտությամբ պատմում են իրենց պապերի սխրանքի մասին, մանրամասներ են ներկայացնում, թերթում հրապարակելու համար լուսանկարներ են տրամադրում: Պապերի մասին հարցադրումներով մեր թղթակից Իլոնա Ազարյանը դիմել էր նաեւ աշխատանքի եւ սոցիալական հարցերի նախարար ԶԱՐՈՒՀԻ ԲԱԹՈՅԱՆԻՆ եւ առողջապահության նախարար ԱՐՍԵՆ ԹՈՐՈՍՅԱՆԻՆ: Զարուհի Բաթոյանի մամլո խոսնակ Ս. Մարտիրոսյանից ստացանք կարճ պատասխան. «Ի պատասխան Ձեր հարցման` տեղեկացնում եմ, որ ՀՀ աշխատանքի եւ սոցիալական հարցերի նախարար Զարուհի Բաթոյանի պապերը չեն մասնակցել Հայրենական մեծ պատերազմին»: Իսկ Առողջապահության նախարարության գլխավոր քարտուղարի տեղակալ Վահե Հակոբյանից ստացանք առավել քան ապշեցուցիչ պատասխան. «Ձեր 2020 թ. մարտի 30-ի հարցման կապակցությամբ հայտնում եմ, որ պահանջվող տեղեկատվությունը պարունակում է անձնական տվյալներ: Ուստի, ընտանեկան կյանքի անձեռնմխելիության իրավունքից ելնելով, տեղեկատվությունը չի տրամադրվում»:

Ա՛յ քեզ բան: Պապերով հպարտանալու փոխարեն նախարարը թաքցնում է նրանց «ընտանեկան կյանքի անձեռնմխելիության» ծխածածկույթով: Մի՞թե ամաչում է նրանցից: Թե՞ նրանց մասին ոչինչ չգիտի եւ չի էլ ուզում իմանալ: Դա անպատկերացնելի բան է` որ հայը (հա՞յը) չի հպարտանում իր ծագումով, իր հորով եւ պապերով, իր նախնիներով, իր տոհմով: Բայց եթե դուզն ասենք` «ժողվարչապետ» Նիկոլ Փաշինյանի շրջապատը լեփ-լեցուն է անտոհմիկ մուտանտներով, Ազգի եւ Հայրենիքի զգացողություն չունեցող կասկածելի ծագումով արարածներով: Այնտեղ բավականին շատ են «ստուկաչների» եւ «պոլիցայների» թոռները, սեփական երկիրն ու ժողովրդին ատողները, բանակից դասալքողները եւ ամենայն ինչ 30 արծաթով ծախող հուդաները: Այդպիսի իշխանությունով արտաքին թշնամի էլ պետք չէ:

Ա. ԱՐԱՄՅԱՆ

Այս թեմայով 200 հազար դրամից ցածր աշխատավարձ ստացողները ներգրավվելու են ապահովագրության համակարգում. Թորոսյան Նվազագույն կենսաթոշակը կբարձրանա՝ դառնալով 47 հազար դրամ. սոցփաթեթի ծրագիրը հունվարից կավարտվի. Թորոսյան Թաղման նպաստները կստանան միայն անապահովները, կենսաթոշակը 1000 դրամով կբարձրանա. Արսեն Թորոսյան Տեր Աստված, ներիր խոսքերիս համար, բայց սրանք ուզում են մեր տղեքին սարքեն անհիշատակ մեռել․ Ղուկասյան Օլիմպիական փոխչեմպիոնի վերադարձը. Արսեն Ջուլֆալակյանը ոսկե մեդալ է նվաճել Արգենտինայի դրոշի ներքո