Facebook-ը կորոնավիրուսի դեմ պայքարի շրջանակում տվյալներ կհավաքի օգտատերերի տեղաշարժի մասին և դրանք կփոխանցի ԱՄՆ իշխանություններին. Politico

Ամերիկյան Facebook ընկերությունը նոր տեսակի կորոնավիրուսի տարածման դեմ պայքարի շրջանակում տվյալներ է հավաքելու օգտատերերի տեղաշարժի մասին: Համապատասխան հայտարարությունը հրապարակվել է երկուշաբթի ընկերության կայքում, գրում է Politico-ն։

Տարածված փաստաթղթի համաձայն՝ ընկերության մասնագետները, այս շաբաթվանից սկսած, տվյալներ կհավաքեն ԱՄՆ-ի տարածքում օգտատերերի գտնվելու վայրի մասին և դրանք կտրամադրեն դաշնային և տեղական իշխանություններին: Տեղեկատվությունն անանուն բնույթ է կրելու և կօգտագործվի բացառապես վիճակագրական տվյալների կազմման, ինչպես նաև վարակի տարածման դեմ պայքարի մեթոդների մշակման համար:

Facebook-ի ղեկավարության համաձայն՝ նման տեղեկությունների առկայությունը հնարավորություն կտա իշխանություններին ավելի հեշտ հետևելու բնակչության կողմից սոցիալական հեռավորության պահպանման պահանջների կատարմանը:

Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 1 349 584 դեպք, 74 806-ը՝ մահվան ելքով, ապաքինվել է 286 655 մարդ։ Համաճարակի օջախ Չինաստանի սահմաններից դուրս վարակը տարածվել է 209 երկրում:

Այս թեմայով Ով է Շաքիում ադրբեջանցի զինծառայողի կրակոցից վիրավորված Անի Ավետիսյանը և ինչ է հայտնի նրա երեք երեխաների մասին ԱՄՆ-ն ուղարկում է երրորդ ավիակիր խումբը և 10,000 զինվոր՝ Իրանի հետ պատերազմը վերսկսելու համար. Wall Street Journal «Ժողովուրդ». Իրավապահները կուսումնասիրեն ՔՊ-ական Կարեն Համբարձումյանի եղբոր մասին բացահայտումները Թրամփն ԱՄՆ նավթի ռեզերվային աննախադեպ ցածր ծավալի պաշարներից եւս 40 միլիոն բարել է վաճառում Թրամփը հայտարարեց Իրաքից վերջին ամերիկյան զորքերի դուրսբերման մասին. Սա նման է նոր խաղի