COVID-19-ի հարուցիչը կարող է «գոյատեւել» տարբեր մակերեւույթների վրա, ընդ որում, ոմանց վրա` բավականին երկար` մինչեւ 3 օր

Հնարավո՞ր է արդյոք կորոնավիրուսը տուն բերել հագուստի միջոցով: Պարզվում է, որ` այո, պնդում է Ռուսաստանի առողջապահության նախարարության գլխավոր ծերաբույժ Օլգա Տկաչյովան:

«Մոսկվա 24»-ին տված հարցազրույցում մասնագետը նշել է, որ մի քանի ուսումնասիրություններ ցույց են տվել, որ COVID-19-ի հարուցիչը կարող է «գոյատեւել» տարբեր մակերեւույթների վրա, ընդ որում, ոմանց վրա` բավականին երկար` մինչեւ 3 օր:

«Հագուստի միջոցով վիրուս տեղափոխել հնարավոր է: Կոնտակտային ճանապարհ գոյություն ունի: Ուստի հագուստը կարող է աղբյուր լինել»,- նշել է մասնագետը:

Ըստ նրա` կան պարզ եղանակներ վիրուսը տեղափոխելու առումով վտանգավոր իրերի վնասազերծման համար: «Հագուստը հարկավոր է ինչ-որ առանձին տեղ կախել, եւ երկու օրից վիրուսը կմեռնի: Լվանալ այն հարկավոր է 60 աստիճանով: Լրացուցիչ եռացում անհրաժեշտ չէ: Եթե հագուստը լվացվել է, ապա պետք չէ անհանգստանալ, դրա վրա ոչինչ չկա»,- ասել է մասնագետը:

Ավելի վաղ Հիվանդությունների վերահսկման եւ կանխարգելման կենտրոնները (CDC) եւ Առողջապահության համաշխարհային կազմակերպությունը խորհուրդներ էին ներկայացրել համաճարակի պայմաններում հագուստի խնամքի հետ կապված: Այդպես, տուն վերադառնալիս խորհուրդ է տրվում տնային հագուստ հագնել, իսկ դրսի հագուստը` լվանալ կամ մակերեսն ախտահանել խոնավ անձեռոցիկով:

Այս թեմայով ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ «Կիևի ուրվականը» կործանիչը ոչնչացվել է ռուսական բանակի վրա հարձակվելու փորձի ժամանակ Ադրբեջանցին Շաքիում երեք երեխաների ներկայությամբ է կրակել կնոջ վրա Իշխանությունը մեզ պրոռուսականի պիտակ է կպցնում․ մենք Ղրիմը ՌԴ-ի կազմում չենք ճանաչում․ Աննա Գրիգորյան ՀՀ-ի՝ TRIPP-ից շրջանառության օգուտը կարող է կազմել 10 միլիոն դոլար, որը հավասար է մի խանութի տարեկան շրջանառության․ Հրանտ Միքաելյանը փակագծեր է բացում