Երգչուհի Pink-ը կորոնավիրուսից բուժվելուց հետո 1 միլիոն դոլար է նվիրաբերել առողջապահական ոլորտի աշխատակիցներին

Ամերիկացի հայտնի երգչուհի Pink-ը հայտնել է, որ վարակվել է նոր տեսակի կորոնավիրուսով, սակայն արդեն բուժվել է, և մեկ միլիոն դոլար է նվիրաբերել առողջապահական ոլորտի աշխատակիցներին: Աստղն այս մասին հայտնել է Twitter սոցկայքի իր էջում։

«Երկու շաբաթ առաջ երեքամյա որդուս՝ Ջեյմսոնի և ինձ մոտ COVID-19 վիրուսի ախտանշաններ ի հայտ եկան։ Բարեբախտաբար, մեզ բուժող բժիշկը հասանելիություն ուներ թեստերին, և իմ թեստի պատասխանը դրական եղավ»,- գրել է երգչուհին։

Աստղի խոսքով՝ դրանից հետո ընտանիքի հետ միասին երկու շաբաթ նա տանն է մնացել և հետևել բժիշկների ցուցումներին։

«Մի քանի օր առաջ կրկնակի թեստ անցկացրինք, և այժմ բարեբախտաբար արդյունքը բացասական է եկել»,- հավելել է երգչուհին, ինչպես նաև մտահոգություն հայտնել կորոնավիրուսի առկայությունը ստուգող թեստերի հասանելիության առնչությամբ՝ նշելով, որ դրա կարիքը շատ-շատերն ունեն, քանի որ հիվանդությունը մեծ կամ փոքր, հարուստ կամ աղքատ չի ճանաչում։

Երգչուհին նաև հայտնել է կորոնավիրուսի դեմ պայքարի համար մեկ միլիոն դոլար նվիրատվության մասին, որից 500 հազար դոլարը կուղղվի Ֆիլադելֆիայի, իսկ մյուսը՝ Լոս Անջելեսի արտակարգ օգնության հիմնադրամներին՝ աջակցելու ամեն օր առաջնագծում պայքարող առողջապահական ոլորտի աշխատակիցներին։

Այս թեմայով ԱՀԱԶԱՆԳ.Ընտանեկան բժիշկների համար ստեղծվել է այնպիսի իրավիճակ, որը հանգեցնում է ուղեգրումների սահմանափակման «Փաստ». Գագիկ Ղազինյանից «ազատվելուց» հետո լուծարվում է նաև նրա ղեկավարած մասնագիտական խորհուրդը «Ժողովուրդ». Պերմյակովի ժամանակ փողոց դուրս եկան, Շաքիի դեպքից հետո՝ լռություն «Հրապարակ». Սիսիանում՝ Շաքիի դեպքերից հետո մեծ վախ է տիրում Կիևում երկրորդ անգամ գրոհի ենթարկվեց խոշոր կամուրջներից մեկը՝ Հարավայինը. կամուրջի հենարանը վնասված է (Տեսանյութ)