«Հաղթանակի ապրիլ» ֆիլմը ավելի շատ պատասխաններ տվեց, քան ԱԺ հանձնաժողովը. Նաիրա Կարապետյան

«Հաղթանակի ապրիլ» փաստավավերագրական ֆիլմից հետո այնքան շատ էին էմոցիաները, որ միայն հիմա եմ կարողանում կիսվել տպավորություններով», - այս մասին գրում է ԱԺ հինգերորդ եւ վեցերորդ գումարման պատգամավոր, «Եվրոպական ինտեգրացիա» ՀԿ նախագահ ՆԱԻՐԱ ԿԱՐԱՊԵՏՅԱՆԸ եւ մանրամասնում. «Այս ֆիլմի ամենամեծ արժեքը, իմ կարծիքով, պատմական փաստը աշխարհին, նաեւ մեր ժողովրդին եւ սերունդներին փոխանցելն է։ Շատ մեծ գործ է արվել՝ դեպքերի անմիջական մասնակիցների կողմից ողջ իրողությունը ներկայացնելով, կոտրվեցին բոլոր միֆերը եւ շահարկումները, որ կային եւ տարբեր պատեհ եւ անպատեհ առիթներին օգտագործվում էին, իսկ անհեթեթ մեղադրանքների հասցեատերերն էլ՝ վեհ լռությամբ սպասում, որ ժամանակը ամեն բան կբերի իր տեղը։ Էլ 80-ականների զենք, էլ 800 հեկտար, էլ փամփուշտ, սնունդ ու վառելիք, էլ դավադրության տեսություններ՝ այս ամենի պատասխանը հստակ տրվեց այս ֆիլմում։ Եվ մեկ անգամ ուզում եմ շնորհակալություն հայտնել՝ հաղթանակի համար, ոգու եւ հայրենասիրության, հավատի եւ անձնազոհության համար։ Շնորհակալություն բոլորին՝ շարքային զինվորից մինչեւ գերագույն գլխավոր հրամանատար, շնորհակալություն երկու հայկական պետությունների նախագահներին՝ Սերժ Սարգսյանին եւ Բակո Սահակյանին, զինված ուժերի եւ պաշտպանության ոլորտի բոլոր պատասխանատուներին, բոլոր նրանց, ում ռազմավարական, մարտավարական եւ անմիջական փայլուն աշխատանքի շնորհիվ հաղթանակն իրականություն դարձավ։ Շնորհակալություն կամավորներին, շնորհակալություն բոլոր քաղաքացիներին՝ մի բռունց դառնալու եւ ուժը բազմապատկելու համար։ Շնորհակալություն եւ մեծ խոնարհում մեր հերոսներին՝ երկնքում եւ մեր կողքին։ Շնորհակալություն ֆիլմը ստեղծողներին, այս ֆիլմը ավելի շատ պատասխաններ տվեց, քան ԱԺ հանձնաժողովը, կեցցեք։ Հաղթանակը չեն քննում, հաղթանակը կերտում են, հաղթանակով հպարտանում են»։

Որպես հետգրություն՝ Ն. Կարապետյանը հավելել է. «Մի միտք է ինձ երեկվանից տանջում՝ ինչպե՞ս կարող է նույն ժողովուրդը լինել այսքան հակասական»։

Այս թեմայով Ուկրաինայի համար նախատեսված եվրոպական զենքի գործարանները պոտենցիալ ռազմական թիրախներ են. Զախարովան «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Իրավունք». Ով է Վանեցյանի կուսակցությունով առաջադրված Լեվոն Վահրադյանը