ՊՈՂՈՍՆԵՐԸ` ՃԱԳԱՐՆԵՐԻ ՈՒ ԾՈՎԱԽՈԶՈՒԿՆԵՐԻ ԴԵՐՈՒՄ

Նիկոլն ու իր կառավարությունը, կարծես թե, փորձարկումներ են անում հայ ժողովրդի վրա: Մեկ անհիմն եւ ապօրինի մտցնում են արտակարգ դրություն, որը ինչպես ցույց է տալիս փորձը, որեւէ կերպ չսահմանափակեց վարակի տարածումը, սակայն Նիկոլի համար լուծեց երկու կարեւորագույն հարց` նախ հետաձգեց իր հիմար հանրաքվեն, որի տակից Նիկոլը ոչ մի կերպ դուրս չէր գալու եւ երկրորդ` սահմանափակեց ԶԼՄ-ների ազատությունը, ցույցերի անցկացման հնարավորությունը եւ այլն:

Ձեռի հետ էլ Նիկոլը փորձարկում է, թե ինչպես իր ժողովրդին կարող է շաբաթներով պահել չորս պատի արանքում: Ընդ որում, եթե այլ երկրների ղեկավարները իրենց քաղաքացիներին հազար ու մի զեղչ, զիջում ու աջակցություն են ցուցաբերում, ապա նիկոլիստները փորձարկումը շարունակում են նաեւ այն առումով, որ պրակտիկապես ոչ մի աջակցություն չեն ցուցաբերում իրենց իսկ կողմից եկամուտից զրկված քաղաքացիներին: Ընդ որում, այդ քաղաքացիների մեծ մասը հենց նրանք են, ովքեր երկու տարի առաջ իրենց ճղում էին, որ Նիկոլին ու իր սորոսական շրջապատին բերեն նստեցնեն բարձր պաշտոններին ու ապահովեն բարձր աշխատավարձերով, աստղաբաշխական պարգեւատրումներով եւ աշխարհով մեկ պետության հաշվին ֆռֆռալու հնարավորություններով: Սակայն փորձարկումները հավանաբար համարվեցին հաջողված, եւ Նիկոլն էլ ավելի է խստացնում էքսպերեմենտի պայմանները: Այժմ նա որոշել է հետեւել բոլորի հեռախոսազանգերին, տեղաշարժերին, եւ անգամ ցինիզմը հասել էր այնտեղ, թե կորոնավիրուսից մահացած մարդկանց պետք չէ դիահերձել: Այսինքն` այսուհետ ցանկացած մահացածին կարելի է հայտարարել կորոնավիրուսից մահացած եւ արագ թաքցնել բոլոր հետքերը: Այդպիսի տոտալիտար համակարգի մասին երազում էին աշխարհի բոլոր հիստերիկ ու մոլագար դիկտատորները: Սակայն անգամ Հիտլերի մտքով այսքանը չէր անցնում: Մի խոսքով, Նիկոլը որոշել է ժողովրդին անասունի նման փակել տներում եւ անգամ կեր չտալ: Տեղաշարժվելու դեպքում վերահսկել, զանգերի դեպքում վերահսկել, մեռնելու դեպքում անունը դնել կորոնավիրուս ու արագ հողը լցնել վրան: Այդ ամենին զուգահեռ, մամուլին չի կարելի գրել, քաղաքական ուժերին բողոքել, հասարակությանը ցույցեր անել: Սակայն անգամ Նիկոլի խայտառակ առողջապահության նախարարը ինքն է խոստովանում, որ այս բոլոր միջոցառումները զրո նշականկություն ունեն վիրուսի դեմ պայքարելու գործում: Իսկ Նիկոլի կառավարության 8 փաթեթները աջակցություն են ոչ թե կատաստրոֆայի եզրին հայտնված ժողովրդին, այլ` բանկերին ու Նիկոլի շրջապատին: Գոնե մինչեւ հիմա որեւէ մի շարքային քաղաքացի այդ փաթեթներից չի օգտվել: Իրականում վիրուսի դեմ պայքարելու համար պետք էր տեղորոշել ընդամենը երկու հոգու տեղաշարժերը` Նիկոլի ու իր առողջապահության նախարարի` Արսենի, որպեսզի նրանք այն պահին, երբ պետք էր զբաղվել առողջապահական համակարգի մոբիլիզացմամբ եւ վիրուսի կանխարգելմամբ, չվազվզեին տնետուն` գիրք բաժանելու, կամ փողոցներում ու մետրոյում թռուցիկներ ցրելու, կամ գյուղերում Մարտի 8-ին ծաղիկներ նվիրելու, կամ էլ մարզերում հիստերիկ միտինգներ անելու համար: Այս երկուսին պետք էր վերահսկել` անգամ արգելել կաբինետից դուրս գալ, որպեսզի սրանք կատարեին իրենց ուղիղ պարտականությունները: Այդ դեպքում մի ամբողջ երկիր չէին տանի կործանման այն ճանապարհով, որով հիմա տանում են: Այս տխուր իրականության մեջ կա նաեւ մեկ դրական երանգ` պողոսիկները, ովքեր երկու տարի առաջ գալստուկով մարդ տեսնելիս պատրաստ էին պատառ-պատառ անել նրան, բարձրագույն կրթությունը համարվում էր բացասական կողմ, ալեխառն մազերը կոռուպցիային մասնակից լինելու միանշանակ ապացույց, իսկ մասնագիտական փորձառությունը կենսագրության մեջ սեւ բիծ, սկսում են կամաց-կամաց հասկանալ, որ անփորձ, պոռոտախոս, անգրագետ, պոպուլիստ եւ հիստերիկ դեղնակտուցները երկիրը արագորեն վարի են տալիս, եւ գրագիտությունն ու փորձառությունը, այդ թվում` կենսափորձը, իսկապես անհրաժեշտ հատկանիշներ են` երկրի կառավարմանը մասնակից լինելու համար: Դե ինչ, չկա չարիք` առանց բարիք: Պարզապես այդ ճշմարտությունը հասկանալու համար Հայաստանը հերթական անգամ հետ շպրտվեց զարգացման ուղիներից:

Ա. ՀՈՎՀԱՆՆԻՍՅԱՆ

Այս թեմայով Ինչի՞ էիք Վեհափառի աջը համբուրում ու սելֆի անում նրա հետ 2018 թվականին․ հարց՝ Փաշինյանին Չկա տենց դեպք, որ մի քաղաքացու աջակցած չլինենք ու ինքը 2-րդ, 3-րդ, 4-րդ… 8-րդ անգամ դիմած չլինի Որևիցե ազդակ չունենք, որ գազի գինը թանկանալու է․ նման հարցի դեպքում սցենարներ ենք քննարկում Որն է Էդուարդ Բաբայանի ազատության գինը հարց Փաշինյանին.«Մաֆիոզ կապերով հարցեր են լուծում, հանցագործը պիտի նստի բանտում» Հիմա էլ , որ սեպտեմբերի 27-ին ուղերձ գրեինք, ասելու էիք՝ Արցախ գրված չի, ագրեսիա գրված չի. Փաշինյան