Խնդրում եմ մի բան գնեք սոված չմնանք

Մեր երկրում արդեն երկրորդ շաբաթն է կաթվածահար է եղել ոչ միայն տնտեսությունը, այլ դրան զուգահեռ անհատ ձեռներեցների, մանր ու միջին տնտեսվարողների վիճակը: Լինի արտակարգ իրավիճակ, թե ոչ, նկատելի է, որ մեզ մոտ առավել խոցելի են հենց այս սուբյեկտները, իսկ հիմա առավել եւս: Փակվել են բոլոր տնտեսական, հագուստի, գրենական պիտույքների եւ նմանատիպ խանութները ողջ հանրապետությունում: Փակվել են Երեւան տանող բոլոր ճանապարհները, տրանսպորտ գոյություն չունի եւ միայն տաքսիներն ու անձնական մեքենաներ ունեցողներն են կարողանում շատ թե քիչ տեղաշարժվել: Լսելով պետության խոստումները հասկանում էս, որ կան շատ սոցիալակն խմբեր, որոնք այդպես էլ խոցելի կմնան անգամ այս իրավիճակում: Ասվում է՝ կտրվեն փոխհատուցումներ, բայց երբ, ինչ պայմաններով, որքան հասկանալի չէ: Երեկվանից համացանցում հայտնվեցին տեսանյութեր, որտեղ տեսնում ենք, թե ինչպես են քաղաքացիները արդեն բարձրաձայնում սոված մնալու, փող չաշխատելու, տարրական բաներից հետ մնալու հանգամանքների մասին:

Այսօր, տողերիս հեղինակն անձամբ ականատես եղավ մի իրավիճակի, որը պարզապես շոկ առաջացրեց: Ինչպես օրինապաշտ քաղաքացի տանը նստաշ հանկարծ լսեցի դռան զանգը: Տարօրինակ էր, բայց բնականաբար այս օրերին հյուր չես սպասում, սակայն բացելով դուռը իմ առջեւ տեսա մի երիտասարդի, ում ձեռքին անկողնային պարագաներ էին ցելոֆանոպատ, ով սկսեց խնդրել, որ ընտիր  ապրանք է առաջարկում. ՚՚խնդրում եմ. լավ ապրանք եմ առաջարկում, որակով Վերսաչի ֆիրմայի, խանութը փակա, անգամ հաց չենք կարողանում գնել՚՚: Ստիպված էինք մերժել, քանի որ թե առաջարկած ապրանքը մեզ հարկավոր չէր, թե այն, որ զարմանքից չգիտեի ինչ ասել: Երիտասարդը ստիպված էր հարեւանների դռներին էլ մոտենար: 

Եվ ինչքան կշարունակվի այս իրավիճակը պարզ չէ, սակայն սրանք այն փաստերն են, որի մասին ՀՀ վարչապետը պարտավոր է իմանալու, որ մեր երկրում օրավարձով աշխատողներ եւ ապրողներ կան, ովքեր այս պահին գտնվում են ծայրահեղ վիճակներում:

Ա. ՀԱԿՈԲՅԱՆ

Այս թեմայով «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով