Իշխանության ներկայացուցիչների մամուլի ասուլիսներին անտեսվել են մոտ մեկ տասնյակ լրատվականների հարցերը. «Մեդիա պաշտպան»-ը կոչ է անում չսահմանափակել խոսքի ազատությունը

Կորոնավիրուսով պայմանավորված՝ լրագրողներն իշխանության ներկայացուցիչների մամուլի ասուլիսներին իրենց հարցերն առցանց են ուղարկում։ Ըստ սահմանված կանոնների՝ այդ հարցերը պետք է հնչեցվեն, սակայն ունենք իրավիճակ, երբ լրատվականների հարցերն անտեսվում են։ Իրենց ուղարկած հարցերն անտեսելու մասին բարձրաձայնել են Lurer.com, hraparak.am, AntiFake.am, Analitik.am, Goris Today, Slaq.am, News լրատվականները և լրագրող Փայլակ Ֆահրադյանը։ «Մեդիա պաշտպան» նախաձեռնությունը հայտնում է, որ Փայլակ Ֆահրադյանն առցանց տարբերակով հարց է ուղարկել Զարուհի Բաթոյանին. «Տիկին Բաթոյան պատրաստվո՞ւմ եք Ձեր մեկ ամսվա աշխատավարձն ու պարգևավճարն ուղղել կորոնավիրուսի կանխարգելմանը»։ Հարցն այդպես էլ չի ընթերցվել, որից հետո լրագրողն իր ֆեյսբուքյան էջում գրել է. «Քանի որ Զարուհի Բաթոյանի խոսնակը չընթերցեց այս հարցը, հրապարակայնացնում եմ: Խոսնակն ո՞վ է, որ որոշի որ հարցը ընթերցի, որը՝ ոչ»:

«Մեդիա պաշտպան» նախաձեռնությունը իշխանությունների նման գործելաոճը համարում է անընդունելի և կոչ է անում չսահմանափակել խոսքի ազատությունը, չտարբերակել լրատվամիջոցներին յուրայինների ու ոչ յուրայինների. «Հույս ենք հայտնում, որ խոսնակներն ավելի անաչառ կլինեն ու կհնչեցնեն բոլորի հարցերը։
Նման գործելաոճը նվազեցնում է Արտակարգ դրության արդյունավետությունը և լրագրողները ստիպված են լինելու ներկայանալ ասուլիսներին, որպեսզի իրենց հարցերը չանտեսվեն և միայն իշխանահաճո հարցեր չհնչեն»։

Հիշեցնենք, որ նախօրեին Մեդիա պաշտպան» նախաձեռնությունը կրկին անդրադարձել էր այս թեմային և ահազանգել էր, որ պարետատունը շարունակում է յուրայինների և օտարների բաժանել լրատվամիջոցներին՝ անտեսելով լրատվամիջոցների բարձրացրած բազմաթիվ հարցերը:

Այս թեմայով «Ժողովուրդ». Դավիթ Փափազյանը մեկ տարի անց դեռ չի հայտնաբերվել Մոսկվայի մոտ գտնվող քիմիական գործարանում տեղի են ունեցել երեք հզոր պայթյուն ՆԳ նախարարի մամուլի քարտուղարն անդրադարձել է սոցցանցում տարածվող տեսանյութին ԱՄՆ-ն ակնկալում է հոկտեմբերին կազմակերպել Ռուսաստանի և Ուկրաինայի ներկայացուցիչների հանդիպում. The Atlantic ՇՏԱՊ. Հայտնի իրավապաշպանը Իրանի դեսպանատան մոտ փակագծեր է բացում