ՀՌԱՀ նորընտիր անդամը ՀՀՇ-ից «հրաժարվել է» միայն փաստաթղթո՞վ

Նախորդ շաբաթ հայրենի խորհրդարանը ՀՌԱՀ անդամ ընտրեց ՀՀՇ-ական ՏԻԳՐԱՆ ՀԱԿՈԲՅԱՆԻՆ, ով հանուն ստանձնած պաշտոնի, դեռ չընտրված` ՀՀՇ-ից դուրս գալու դիմում էր գրել, որը նաեւ օրենքի պահանջն էր` որպես ՀՌԱՀ անդամի թեկնածու: Այս մասին «Իրավունքը» փորձեց մի քանի հարցերի պատասխաններ ստանալ հենց նրանից, սակայն մեր հարցերն այնքան էլ, արդեն նախկին ՀՀՇ-ականի սրտով չէին:

–Պարոն Հակոբյան, ըստ էության, հրաժարվեցիք ՀՀՇ-ից, հետաքրքիր է` կուսակցական գաղափարներից ե՞ւս հրաժարվել եք:

– Մի քիչ կոռեկտ ձեւակերպեք... Անդամակցությունս եմ կասեցրել, որպեսզի ավելի արդյունավետ աշխատեմ եւ կուսակցական ազդեցություն իմ վրա չլինի: Իմ գործունեության ընթացքում, երբ մեդիադաշտում ինչ-որ պաշտոն եմ զբաղեցրել, միշտ կուսակցական գործունեությունս կանգնեցրել եմ:

– Այնուամենայնիվ, կարելի՞ է ասել, որ կուսակցական ընդդիմադիր գաղափարներից թեկուզ ժամանակավորապես հրաժարվել եք:

– Ինչպե՞ս կարելի է հրաժարվել, բարեկամ: Իսկապես, հարցի իմաստը չեմ հասկանում:

– Մանրամասնեմ` ի վերջո, Ձեր կողմից ՀՌԱՀ անդամի պաշտոնը ստանձնելը համարո՞ւմ եք իշխանություն-ընդդիմություն համագործակցության լավագույն արդյունք:

– Ո՛չ, Ձեր դիտարկման հետ համաձայն չեմ:

ՀՐԱՆՏ ՍԱՐԱՖՅԱՆ
 

Այս թեմայով Ադրբեջանական ագրեսիայի հետևանքով Արցախն ունեցել է 220-ից ավելի զոհ Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Ինչպես փաՌատոները վերածվեցին փաՐատոների... Ով է ստում․ Ավինյանը, թե՞ Փաշինյանը Ի՞նչ իմաստ ունի զբաղեցնել այդ պաշտոնը․ ԶԱՐՄԱՆՔ