Բոլորս գիտակցում ենք, որ կորոնավիրուսի հետևանքով առաջացած ճգնաժամի պատճառով անորոշություններ շատ կան. Փաշինյան

2019 թվականի բյուջեի եկամուտները առաջին եռամսյակի տվյալներով գերակատարվել են 8,9 միլիարդ դրամի չափով և այս տարվա առաջին եռամսյակի ցուցանիշները նախորդ տարվա առաջին եռամսյակի ցուցանիշներին գերազանցում են 49,5 միլիարդով կամ 16,5 տոկոսով, կառավարության այսօրվա նիստին հայտարարեց վարչապետ Նիկոլ Փաշինյանը:

«Այսպիսով` կարող ենք ասել, որ մենք ճգնաժամի եզրին բավականին լուրջ գերակատարումներ ենք ունեցել և 2018 թվականի համեմատությամբ՝ 2020 թվականի առաջին եռամսյակի եկամուտները ավելացրել ենք ավելի քան հարյուր միլիարդ դրամով: Բոլորս գիտակցում ենք, որ կորոնավիրուսի հետևանքով առաջացած ճգնաժամի պատճառով անորոշություններ շատ կան, ակնհայտ է, որ այս տեմպերը կկորցնենք», - ասաց նա՝ ընդգծելով, թե արձանագրված տեմպերը ապացուցում են, որ կառավարության տնտեսական քաղաքականությունը արդյունավետ է, տիրապետում են տնտեսության զարկերակին և այս պայմաններում նույնքան արդյունավետ պետք է կարողանան ճիշտ որոշումներ կայացնել:

«Այս ճգնաժամը ոչ թե պետք է առիթ դառնա, որ հարկային կարգապահությունը նվազեցնենք, այլ, ընդհակառակը, ճգնաժամի պայմաններում առավել ևս պետք է հարկային կարգապահությունը խստանա: Այն խոսակցությունը, որ մարդիկ չեն աշխատում, իսկ դուք հարկեր եք հավաքում, ուզում եմ ընդգծել, որ հարկերը գոյանում են եկամուտների, շահույթների պարագայում և հնարավոր չէ հարկերի հավաք», - ասաց Փաշինյանը:

Այս թեմայով Փաշինյանը առցանց ձևաչափով մասնակցում է Եվրասիական միջկառավարական խորհրդի նիստին Չկա տենց դեպք, որ մի քաղաքացու աջակցած չլինենք ու ինքը 2-րդ, 3-րդ, 4-րդ… 8-րդ անգամ դիմած չլինի Որն է Էդուարդ Բաբայանի ազատության գինը հարց Փաշինյանին.«Մաֆիոզ կապերով հարցեր են լուծում, հանցագործը պիտի նստի բանտում» Փաշինյանը սպառնաց Վեհափառին. «Պետությունը բոլոր լծակներն օգտագործելու է, որ նա հեռանա» Սեփական տուն ունեցողը ոչինչ չանելով հարստանում է, գները կրկնակի թանկացել են․ Փաշինյան