Իշխանական «լավագույն եռյակի» դուխը հերիքեց մինչեւ երեկո

Ազգային ժողովում երեկ առավոտյան երկրորդ ընթերցմամբ` չընդունվեց «Արտակարգ դրության իրավական ռեժիմի մասին» օրենքում եւ «Էլեկտրոնային հաղորդակցության մասին» օրենքում լրացումներ կատարելու վերաբերյալ փաթեթը, որով կառավարությունը մտադիր է երկիրը վերածել էլեկտրոնային համակենտրոնացման ճամբարի ու գաղտնալսել ամենքին:

ԱԺ «Բարգավաճ Հայաստան» խմբակցությունն ականջալուր եղավ ընդդիմադիր գործընկեր «Լուսավոր Հայաստան» խմբակցության ղեկավար ԷԴՄՈՆ ՄԱՐՈՒՔՅԱՆԻ հորդորին, եւ իրենք էլ չմասնակցեցին քվեարկությանը: Արդյունքում «Իմ քայլը» մնաց մենակ ու չկարողացավ ապահովել անհրաժեշտ քանակի ձայները: Ընդ որում` խնդիրն ընդամենը երկու-երեք ձայնի պակասության մեջ էր: Իհարկե, կարող է տպավորություն լինել, որ «Իմ քայլը», եթե շատ ցանկանար, այդքան պատգամավորի անգամ «բերման» կենթարկեր խորհրդարան, որպեսզի անցկացներ նախագիծը, բայց իրականությունը բոլորովին այլ էր: Խնդիրն այն էր, որ «Իմ քայլը» խմբակցությունը, ինչպես վարչապետ Նիկոլ Փաշինյանը կասեր, «ուվերեննի» էր, որ դահլիճում ներկա պատգամավորների քանակը լիովին կբավարարի նախագիծն անցկացնելու համար: Մինչդեռ, արի ու տես, որ երեք պատգամավոր «Իմ քայլից» չմասնակցեցին քվեարկությանը: Ովքեր էին նրանք, բավական ուշագրավ է: Նրանց թվում էին ԱՐՏԱՇԵՍ ՊԵՏՐՈՍՅԱՆԸ եւ ՎԱՀԵ ՀՈՎՀԱՆՆԻՍՅԱՆԸ` պատգամավորներ, որոնց անուններն առաջին հայացքից ոչինչ չի ասում, առանձնապես աչքի էլ չեն ընկել իրենց տեսակետներով կամ ելույթներով: Բայց նրանց միավորում է մեկ բան` երկուսն էլ «Քաղաքացիական պայմանագիր» կուսակցության անդամ չեն, այլ «Իմ քայլը» դաշինքի մաս կազմող «Առաքելություն» կուսակցությունն են ներկայացնում: Ըստ էության, վերջիններս առաջնորդվել են կուսակցական որոշմամբ` դրանով նաեւ ՔՊ-ականներին կանգնեցնելով փաստի առաջ: Մյուսը իմքայլական պատգամավորներից, որը չէր մասնակցել քվեարկությանը` ԱԺ պետաիրավական հարցերի մշտական հանձնաժողովի նախագահի տեղակալ ԱՆՆԱ ԿԱՐԱՊԵՏՅԱՆՆ էր: Նա ժամանակին եղել է ԱԺ պետական-իրավական եւ մարդու իրավունքների մշտական հանձնաժողովի նախկին նախագահ, ՀՀԿ-ական Հովհաննես Սահակյանի օգնականը, հավանաբար, այդ ընթացքում թացը չորից տարբերել սովորած կլիներ, ինչն էլ փորձել է կիրառել արդեն որպես օրենսդիր: Ինչեւէ, հավելենք, որ, «Իրավունքի» ունեցած տեղեկությունների համաձայն, ԱԺ «Իմ քայլը» խմբակցությունում կռիվ էր ընկել: Շատ պատգամավորներ բավական ցավոտ էին ընդունել նախագծի չանցնելը` այն համարելով խայտառակություն: Մյուս մասը` շատ գոհ է այդ «խայտառակությունից», որովհետեւ իրենց սրտով էլ չէր նախագիծը, բայց «դուխները» չէր հերիքել դեմ քվեարկել կամ ընդհանրապես` չքվեարկել, ինչպես վարվեց ընդդիմությունն ու իշխանական «լավագույն եռյակը»: Իհարկե, այս ամենը կարող էր ունենալ բարի ավարտ, բայց երեկոյան իշխանությունում իրավիճակ փոխվեց: ՀՀ փոխվարչապետ, պարետ ՏԻԳՐԱՆ ԱՎԻՆՅԱՆԻ «դիրիժորությամբ» իմքայլականները կրկին հավաքվեցին նույն նախագծի քվեարկությունը կրկնելու համար: Այս անգամ «լավագույն եռյակից» երկուսը կողմ էին, իսկ Վահե Հովհաննիսյանը` բացակա:

ՀՐԱՆՏ ՍԱՐԱՖՅԱՆ

Այս թեմայով նիկոլի բանաձևն է հայը մեղավոր է ադրբեջանցին՝ երբեք. Աննա Մկրտչյան Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Ռոբերտ Քոչարյանը Ղրիմը ՌԴ-ի կազմում չի ճանաչում Իշխանությունը մեզ պրոռուսականի պիտակ է կպցնում․ մենք Ղրիմը ՌԴ-ի կազմում չենք ճանաչում․ Աննա Գրիգորյան Աննա Հարությունյանը Միլանում արժանացել է «Լավագույն հավաքածու» մրցանակին