Անդրանիկ Քոչարյանը «սպառնում է» հրապարակել Խաչատուրովին ուղղված հարցերը

ՀՀ պաշտպանության նախարարության նախկին գլխավոր շտաբի պետ Յուրի Խաչատուրովը մերժել էր հրավերը` ներկայանալ ապրիլյան պատերազմի հանգամանքները ուսումնասիրող քննիչ հանձնաժողովի հերթական նիստին: Սակայն հանձնաժողովի նախագահ, «Իմ քայլը» խմբակցության պատգամավոր ԱՆԴՐԱՆԻԿ ՔՈՉԱՐՅԱՆՆ «Իրավունքի» հետ զրույցում նշել էր, որ իրենք դեռ սպասում են Յու. Խաչատուրովին: Այդուհանդերձ, սպասումները չարդարացվեցին, նիստն էլ երեկ չկայացավ: Թե ի՞նչ է անելու սրանից հետո հանձնաժողովը, կրկին հետաքրքրվեցինք Ա. Քոչարյանից:

– Ամեն դեպքում, հանձնաժողովի դուռը դեռ բաց է, եւ ակնկալում եմ, որ գեներալ Խաչատուրովը կգիտակցի, որ ինքն, այնուամենայնիվ, այդ ժամանակ համար մեկ զինվորական պաշտոնյայի պարտականություններն է իրականացրել: Եվ եթե կան հարցեր, դրանք պետք է ստանան պատասխան: Այս պահի դրությամբ` 50-ից ավել են այն հարցերը, որոնք պետք է տրվեն իրեն: Իսկ սա նշանակում է, որ այդքանով մենք նկատել ենք առնվազն թերություններ, ես մեղմ եմ ասում` թերություններ, շատ մեղմ...

– Եթե նա հրաժարվում է գալ ու պատասխանել հանձնաժողովի հարցերին, ի՞նչ եք անելու, չէ՞ որ «բերման ենթարկելու» իրավասություն չունեք:

– Այո, ԱԺ կանոնակարգ-օրենքը այդ մասին չի ասում, չնայած` նմանատիպ հանձնաժողովների փորձը Միացյալ Նահանգներում ցույց է տալիս, որ չներկայանալը  քրեորեն հետապնդելի արարք է: Կարծում եմ` այս առումով նաեւ ապագայում ԱԺ կանոնակարգ-օրենքի փոփոխությունների խնդիր կարող է լինել:

– Ո՞րն է լինելու հանձնաժողովի հաջորդ քայլը:

– Կտեսնենք, անպայման կտեսնենք` եթե խելքները չհավաքեն գլուխները եւ չներկայանան, ընդհուպ այդ հարցերի հրապարակում:

ՀՐԱՆՏ ՍԱՐԱՖՅԱՆ

Այս թեմայով Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Ուկրաինայում արտակարգ էլեկտրաէներգիայի անջատումներ են. Էներգետիկայի նախարարություն «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Մեր տղերքը հիմա վերեւից նայում ու ասում են՝ փաստորեն, սենց հա՞.... Իգիթխանյան Հայտնի է մարզպետից՝ համայնքապետ ձգտման պատճառը