Ջարդել, ապա թալանել են NewsMedia.am կայքի ղեկավար, լրագրող Գայանե Զարգարյանի ընտանիքին պատկանող մեքենաներից մեկը

 Iravunk.com-ի տեղեկություններով քիչ առաջ ջարդել, ապա թալանել են NewsMedia.am կայքի ղեկավար, լրագրող Գայանե Զարգարյանի ընտանիքին պատկանող մեքենաներից մեկը:

Վերոնշյալ տեղեկատվությունը մեզ հետ զրույցում հաստատեց նաեւ  լրատվամիջոցի ղեկավարը, իսկ թե կոնկրետ ինչ վնաս են հասցրել եւ այլ մանրամասներ՝  մեր գործընկերը խոստացավ քիչ ուշ ավելի առարկայական անդրադառնալ:

Նկատենք, որ վերոնշյալ լրատվամիջոցն էր հրապարակել աղմկահարույց՝ ոստիկանական բաժանմունքում տարիներ առաջ՝ հակագազով ցուցմունք կորզելու, տղամարդու խոշտանգման տեսանյութը:  Ինչից հետո հարուցվեց քրեական գործ, այս պահին կան գործով անցնող երկու մեղադրյալներ:

Բացի այդ լրագրողը պարբերաբար՝ փաստարկված եւ հիմնավորված անդրադառնում է իրավապահ համակարգի անգործությանը եւ համակարգում՝  սպայի կոչմանը ոչ հարիր աշխատելաոճ ցուցաբերած անձանց գործունեությանը:

Ուշագրավ է, որ այս ամիս նույն մեքենայի վրա երկրորդ, մեղմ ասած, հարձակումն է սա: Մարտի 6-ին կրկին լրագրողի պատկանող նույն ավտոմեքենայում անկոչ հյուր էր հայտնվել: Արդյունքում, առավոտյան պարզվել էր, որ ավտոմեքենայի սրահից անհետացել է լրագրողի անձանգրի պատճենը, եւ մի սկավառակ, իսկ մեքենայի սրահում առկա կրիչը, բաժանված էր երեք մասի:

ԻԼՈՆԱ ԱԶԱՐՅԱՆ

Այս թեմայով Տարածաշրջանը մտել է իր ամենածանր փուլերից մեկը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Լեվ Գրուպը» պատրաստ է աջակցել երեխայի կրթության հարցում՝ հոգալով նրա ուսման հետ կապված ծախսերը դպրոցում և հետագայում՝ բուհում Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով