Երկրորդ եռամսյակի պատկերը կարող է լինել ավելի վատ.Զբոսաշրջության կոմիտեի նախագահ

Այսօր` մարտի 30-ին, ժամը 16:00-ին կառավարության մամուլի կենտրոնում տեղի ունեցավ զբոսաշրջության կոմիտեի նախագահ Սուսաննա Սաֆարյանի մամուլի ասուլիսը: Iravunk.com-ը բանախոսին ուղղեց հետևյալ հարցը.
Զբոսաշրջության կոմիտեն մարտ ամսվա ընթացքում, ի՞նչ կորուստներ է արձանագրել, հունվար-փետրվար ամիսների հետ համեմատ, և հետագայում, ինչպե՞ս եք տեսնում կորոնավիրուսի հետևանքով առաջացած խնդիրների լուծումը:

Սուսաննա Սաֆարյանը մեր հարցին պատասխանեց հետևյալ կերպ.

Ընդհանուր առմամբ կորուստները գումարային առումով թվայնացված չեն, բայց կարծում եմ, պատկերացնում եք,  որ առաջին եռամսյակում արդեն իսկ բավականին զբոսաշրջային այցելությունների նվազում կար: Քանակական առումով կարող եմ ասել, որ նախորդ տարվա համեմատ, Հայաստան առաջին եռամսյակում չի այցելել մոտ 175 հազար զբոսաշրջիկ: Կարծում եմ, բավականին զգալի կորուստ է այս ամենը զբոսաշրջային ինդուստրիայի համար: Հաշվի առնելով, որ դեռ առաջին եռամսյակը, զբոսաշրջության ամենաակտիվ եռամսյակը չէր, և այդ շրջանում դեռևս կային բաց սահմաններ և ճանապարհորդելու հնարավորություն:

Բանախոսը նշեց, որ երկրորդ եռամսյակի պատկերը կարող է լինել ավելի վատ,քանի որ կան փակ սահմաններ,իսկ թռիչքները դադարեցված են,հետևաբար զբոսաշրջային այցելություններ գրեթե չեն լինելու: Բանախոսն ընդգծեց, որ այս ամենը նշանակում է, որ այն ֆինանսական մուտքերը, որոնք հանրապետությունն ունենում է զբոսաշրջության միջոցով, այլևս չեն լինելու, հետևաբար իրենց արժեշղթան, իրենց արդյունքներից չի օգտվելու: Սուսաննա Սաֆարյանը նշեց, որ դեռևս չի կարող ասել, թե այս պահին ինչ կորուստների մասին է խոսքը, բայց եթե հաշվարկենք մեկ զբոսաշրջիկի միջին արժեքը, կստացվի, որ առաջին եռամսյակի համար կլինի մոտավիրապես 170-175 հազար ԱՄՆ դոլարի չափով:

Հայկ Գևորգյան 

Այս թեմայով ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ Իշխանությունը մեզ պրոռուսականի պիտակ է կպցնում․ մենք Ղրիմը ՌԴ-ի կազմում չենք ճանաչում․ Աննա Գրիգորյան CBS News. Ռուսաստանը կուտակում է հրթիռներ և անօդաչուներ՝ աշնան վերջին և ձմռանը ավելի լայնածավալ հարձակումներ համար ՀՀ-ի՝ TRIPP-ից շրջանառության օգուտը կարող է կազմել 10 միլիոն դոլար, որը հավասար է մի խանութի տարեկան շրջանառության․ Հրանտ Միքաելյանը փակագծեր է բացում Երբ լռում է դատական դահլիճը, մնում է ամենակարևոր հարցը՝ ի՞նչ եղավ մարդու ճակատագիրը. Բացառիկ զրույց հայտնի իրավապաշտպանի հետ