Ալբանիայի բնակիչները փողոց դուրս գալու համար պետք է sms հաղորդագրության տեսքով թույլտվություն ստանան. korrespondent.net

Ալբանիայի բնակիչները մարտի 30-ից սկսած փողոց դուրս գալու համար պետք է հաղորդագրության տեսքով թույլտվություն ստանան, գրում է korrespondent.net կայքը՝ հղում տալով Տիրանայում ՌԴ դեսպանության ֆեյսբուքյան պաշտոնական էջում տեղ գտած հաղորդագրությանը։

Նշվում է, որ կորոնավիրուսի տարածման դեմ պայքարի նպատակով Ալբանիայի կառավարությունը քաղաքացիների՝ փողոց դուրս գալու համար պարտադիր թույլտվություն ստանալու ընթացակարգ է մտցնում։

Թույլտվություն ստանալու համար անհրաժեշտ է անձը հաստատող փաստաթղթի տվյալներն ուղարկել հատուկ համարով, կամ ալբանական անձնագրի առկայության դեպքում հատուկ կայքում հարցաթերթիկ լրացնել։

«Ուշադրություն դարձրե՛ք, որ տնից դուրս գալու թույլտվություն կստանաք պատասխան հաղորդագրության տեսքով (սպասման ժամանակը՝ մինչև 24 ժամ)։ Թույլտվությունը մի ժամ ուժի մեջ կլինի։ Դրա համար կարելի է դիմել միայն 05։00–ից մինչև 13։00-ն փողոցում գտնվելու թույլատրելի ժամանակահատվածում»,- ասվում է հաղորդագրության մեջ։

Նոր թույլտվություններ ստանալու համար անհրաժեշտ է ամեն օր հաղորդագրություն ուղարկել։ Հեռախոսում գտնվող հաղորդագրությունն իր հերթին ոստիկանության աշխատակցի համար որպես փաստաթուղթ կծառայի, այդ պատճառով տնից դուրս գալու համար անհրաժեշտ է միայն հեռախոս և անձը հաստատող փաստաթուղթ վերցնել։

Միևնույն ժամանակ 13։00-ից հետո փողոց դուրս գալը խստագույնս արգելվում է, իսկ հեռախոսի մեջ թույլտվության բացակայության դեպքում անձին սպառնում է մոտ 100 դոլարի չափով տուգանք։

Ալբանիայում մարտի 30-ի դրությամբ կորոնավիրուսով վարակվածների թիվը 212 է։ Երկրում հիվանդությունից մահացել է 10 մարդ։

Հայտնի է, որ ամբողջ աշխարհում նոր տեսակի կորոնավիրուսով վարակվածների թիվը հասել է 723 279-ի, որից 33 993-ը՝ մահվան ելքով։ Հիվանդությունից ապաքինվել է ավելի քան 151 800 մարդ։

Այս թեմայով Կրեմլն ուղերձ է հղում՝ եթե խաղաղություն չհաստատվի, Ուկրաինայի համար կծավալվի նոր, ավելի աղետալի սցենար ԱՄՆ-ն ուղարկում է երրորդ ավիակիր խումբը և 10,000 զինվոր՝ Իրանի հետ պատերազմը վերսկսելու համար. Wall Street Journal ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ Երկու ֆուտբոլիստ դուրս է մնացել Հայաստանի հավաքականի հայտացուցակից Ուկրաինայի համար շատ ծանր ձմեռ է լինելու. Բուլղարիայի վարչապետ