75 տարեկանում Կորոնավիրուսից մահացել է ֆրանսահայ քաղաքական գործիչ Պատրիկ Դեւեջյանը

Կյանքի 75-րդ տարում կյանքից հեռացել է ֆրանսահայ քաղաքական գործիչ Պատրիկ Դեւեջյանը: Այդ մասին տեղեկանում ենք Ֆրանսիայում Հայաստանի դեսպանության ֆեյսբուքյան էջից: Ֆրանս 24-ի հրապարակման համաձայն Դեւեճյանը մահացել է Կորոնավիրուսի հետեւանքով:

Ավելի վաղ Դեւեջյանն իր Twitter-ի իր միկրոբլոգում ասել էր, որ Կորոնավիրուսն իրեն էլ չի շրջանցել:

«Վիշտն անսահման է: Խորապես ֆրանսիացի և միևնույն ժամանակ իր արմատներին մշտապես հավատարիմ Պատրիկ Դևեջյանը հայ-ֆրանսիական բարեկամության մեծ դերակատար և խորհրդանիշ էր: Նա իր ողջ կյանքը նվիրել է հայ դատի պաշտպանությանը, հսկայական ներդրում ունեցել Ֆրանսիայում Հայոց Ցեղասպանության ճանաչմանը:

Նրա հեռացումը շատ մեծ կորուստ է բոլորիս համար: Իմ անկեղծ ցավակցություններն եմ հայտնում Դևեջյանի տիկնոջը՝ Սոֆիին, որդիներին, հարազատներին, ընկերներին», - գրել է Ֆրանսիայում ՀՀ դեսպան Հասմիկ Տոլմաջյանը:

 Պատրիկ Դևեջյանը մի քանի տարի կարևոր պաշտոններ է զբաղեցրել Ֆրանսիայի կառավարությունում: 2004-2005 թվականներին եղել է արդյունաբերության, իսկ 2008-2009-ը` տնտեսության վերականգնման նախարար: Նա եղել է նաև Ֆրանսիայի նախկին նախագահ Ժակ Շիրակի անձնական փաստաբանը և մեկ այլ նախագահ Նիկոլյա Սարկոզիի ընկերը։ Ֆրանսիայի նախագահի պաշտոնում Սարկոզիի ընտրվելուց հետո Դևեջյանը նշանակվել է իշխող «Ժողովրդական շարժման միություն» կուսակցության գլխավոր քարտուղար:

Այս թեմայով «Իրավունք». ԲՀԿ-ից՝ «Հանրապետություն». Համայնքի ղեկավարի թեկնածուի քաղաքական սալդոն Պայմանագրային զինծառայող է մահացել ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին «Իրավունք». Ով է Վանեցյանի կուսակցությունով առաջադրված Լեվոն Վահրադյանը Պայթյունի հետևանքով պայմանագրային զինծառայող է մահացել