Տատիկս ստացել էր սեւ թուղթը, բայց, միեւնույնն է, սպասում էր իր որդուն. Իրինա Ծատուրյան

Արխիվ 16-20

Մեծ հայրենական պատերազմում մեր փառապանծ Հաղթանակի 75-րդ տարեդարձին ընդառաջ` «Իրավունքը» շարունակում է «Մեր հերոս պապերը» խորագրով հոդվածաշարի ներքո, ներկայացնել տարբեր ոլորտներում մեր հայտնի հայրենակիցների ծնողների, պապերի ու տատերի այդ տարիների անցած ճանապարհը, ռազմական ուղին եւ սխրանքները: Պարզվում է` Հայրենական մեծ պատերազմի հաղթանակում իրենց մասնակցությունն են ունեցել նաեւ հոգեբան ԻՐԻՆԱ ԾԱՏՈՒՐՅԱՆԻ հարազատները:

Նախ ողջունում եմ այս նախաձեռնությունը, շատ կարեւոր է հիշել ընտանեկան պատմությունը, որոնք երբեք չեն էլ մոռացվում: Մայրս` Կիռա Ալեքսանդրովնա Լեւշենկոն, Հայրենական մեծ պատերազմի տարիներին սովորում էր Լենինգրադի ավիացիոն ինստիտուտում եւ ռազմական շրջափակման ժամանակ 24 տարեկանում մնացել է այնտեղ: Պատմում էր, որ մինչեւ Լենինգրադի շրջափակումը, իրենց տանում էին հակատանկային խրամատներ փորելու, եւ գերմանացիները թռուցիկներ էին ինքնաթիռներից գցում` ռուսերեն տեքստերով, որը հիմա չեմ բարձրաձայնի: Որպես ուսանողուհի` նա ստանում էր 125 գրամ հաց եւ պատմում էր, թե ինչպես է նրանից մի տղա հացը գողացել ու տեղում տարել բերանն ու կերել: Տարբեր մարդկանց միջնորդությամբ, իր հորեղբոր կնոջ շնորհիվ, որը պահպանել էր մեծ գործարար ու գլխավոր ինժեներ իր լուսահոգի ամուսնու քարտը, մայրս առաջին ձմեռը չէր մահացել, հետո ավելի թեթեւացել էր վիճակը, մինչեւ կամաց-կամաց սկսել էին տարհանել: 1941-42 թթ.-ի ամենածանր շրջանը` աշուն, ձմեռ, գարուն, նա անցկացրել էր շրջափակման մեջ:

Լուսանկարում` հոգեբանի ծնողներն են` Կիռա Լեւշենկոն եւ Ալեքսանդր Ծատուրյանը

1945 թվականին արդեն կրթությունը ստացած` նրան պրակտիկայի էին ուղարկել Հայաստան, որտեղ էլ ծանոթացել էր հայրիկիս` Ալեքսանդր Ծատուրյանի հետ: Ի դեպ, պատերազմի տարիներին հայրս էլ, որպես բժշկական ինստիտուտի ուսանող, աշխատում էր մեր հոսպիտալներից մեկում. բուժեղբոր կարգավիճակում օգնում էր հիվանդներին: Այդպես մայրս ոչ մի անգամ այլեւս չուզեց Հայաստանից գնալ, 90-ականների ծանր տարիներին մեզ ասում էին` ինչո՞ւ չեք գնում Ռուսաստան, չէ որ մորս համար քաղաքացիություն ստանալը բարդ չէր լինի, բայց նա ասում էր. «Հայի մի եղունգը չեմ փոխի որեւէ մեկ այլ ազգի հետ»: 90-ականներին, երբ բոլորս ասում էինք, որ Հայաստանը շրջափակման մեջ է, մայրս ասում էր` ախր, ինչպե՞ս կարելի է սա շրջափակում համարել, որովհետեւ Լենինգրադի շրջափակումն ահավոր արհավիրք էր եւ կարելի էր համեմատել միմիայն կոտորածների ու ջարդերի հետ: Նա մինչեւ վերջ ապրեց Հայաստանում ու մահացավ 90-ը դեռ չբոլորած:

Լուսանկարում` հոգեբանի մորաքույրն է՝ Նինա Ալեքսանդրովնան

Մեր ընտանիքի շատ անդամներն են մասնակից եղել Հայրենական մեծ պատերազմին: Երբ մայրս եղել է Լենինգրադի շրջափակման մեջ, մորաքույրս` Նինա Լեւշենկոն, կամավոր գնացել է ռազմաճակատ եւ հայտնվել գերության մեջ գերմանացիների մոտ: Բավական երկար գերությունից հետո նա ազատվել է, բայց, ըստ երեւույթին, արդեն առողջությունը կորցրել էր եւ դժբախտաբար մահացել 1949 թվականին` 24 տարեկանում` թողնելով իր երեխային առանց մայր: Նաեւ ունեցել եմ հորեղբայր` Արտուշ Ծատուրյանը, որը եղել է Հայրենական մեծ պատերազմի անհայտ կորածների շարքում: Տատիկս ստացել էր սեւ թուղթը, բայց, միեւնույնն է, սպասում էր իր որդուն: 70-ականներից հետո` ԱՄՆ որոշ նահանգներում էին հայտվում գերմանական գերությունից փախածները, մերոնք հույս ունեին, որ հորեղբայրս էլ այդ շարքում կլիներ: Շատերը Խորհրդային Միություն չէին վերադառնում, որովհետեւ գերությունից հետո` հայտնվում էին սիբիրան ճամբարներում ու նախընտրում էին գնալ դեպի Արեւելք եւ հասնում մինչեւ ԱՄՆ: Բայց այդպես էլ սեւ թղթից բացի, նրանից ոչ մի հուշ չմնաց:

Պատրաստեց ՀՐԱՆՏ ՍԱՐԱՖՅԱՆԸ

https://iravunk.com/sim/?p=108365&l=am/
Ветеран из Армении, член партии «Союз Конституционное право» на Красной площади в Москве ՈՒՂԻՂ. Հաղթանակից մինչև հիսթերիկա. ՀԱՅԿ ԲԱԲՈՒԽԱՆՅԱՆ Նովորոսիսկից մինչեւ Սեւաստոպոլ. ՍԻՄ-ի 101-ամյա անդամ Ներսես պապը՝ 80-ամյա հաղթանակի հիշողություններով Սպասում եմ Հայկ Բաբուխանյանին Գյումրիում․ Վարդան Ղուկասյանը արձագանքում է Ռ. Միրոշնիկը այցելեց «Իրավունք Մեդիա» հոլդինգ ՈՒՂԻՂ. Հայաստանի ազատագրումը սկսենք Գյումրիից.Հայկ Բաբուխանյան 15 հազար դրամ տուգանքը կամայական եւ քմահաճ որոշում է. Աշոտ Նուրիջանյան Ինչ ճակատագիր կունենա «Եվրաքվեն» (տեսանյութ) Այլ երկրում Հայ առաքելական եկեղեցու համար ստեղծում են պայմաններ, իսկ մեր երկրում հետապնդում են Ոչ մեկի մտքով չի անցնում հարձակվել Բելառուսի վրա, որովհետև նա ՌԴ ի հետ միութենական պետության մեջ է ՑԱՎԱԿՑԱԿԱՆ «ՈՒԺԵՂ ՀԱՅԱՍՏԱՆԸ ՌՈՒՍԱՍՏԱՆԻ ՀԵՏ. ՀԱՆՈՒՆ ՆՈՐ ՄԻՈՒԹՅԱՆ» ՇԱՐԺՈՒՄԸ ԴԱՏԱՊԱՐՏՈՒՄ Է ՆԻԿՈԼԻ ԿԱՌԱՎԱՐՈՒԹՅԱՆ ՈՐՈՇՈՒՄԸ Պահանջում ենք դատական կարգով առ ոչինչ հայտարարել Նիկոլ Փաշինյանի հայտարարությունները, որտեղ Արցախը նշվում է Ադրբեջանի կազմում Հայ-չինական հարաբերությունները ունեն զարգացման մեծ ներուժ Նիկոլ Փաշինյանի թրաշվելը ազդարարեց Հայաստանի կործանման վերջին փուլը. ՀԱՅԿ ԲԱԲՈՒԽԱՆՅԱՆ Վլադիմիր Պուտինը Հայկ Բաբուխանյանին պարգեւատրել է Կայացավ երրորդ ուժի ձևավորմանը նվիրված համաժողովը ՈՒՂԻՂ․ Ով է իր մուռը հանում Անկախության հռչակագրից․ Հայկ Բաբուխանյան ՍԻՄ կուսակցությունը ցավակցում է Արտաշես Գեղամյանի մահվան կապակցությամբ ՈՒՂԻՂ․ Թեժ աշուն սորոսականների հե՞տ Իրականում Եվրամիություն գնալը ճանապարհ է դեպի Թուրքիա. Հայկ Բաբուխանյան «Դուք որպես ժայռաբեկոր կանգնած եք այդ ճանապարհին, որպեսզի թույլ չտաք սրիկային, սատանայական ուժերին քանդել այն» Խստիվ դատապարտում ենք ապօրինի վարչախմբի վարքագիծը Սվինների վրա հիմնված ոստիկանապետությունը շուտով փլվելու է ՍԻՄ կուսակցության հայտարարությունը երկրում ստեղծված իրավիճակի վերաբերյալ