​​​​​​​Կապրիզ, թե՞ համաճարակ. Նարեկ Մութաֆյան

«Չեմ զարմանա, որ շատ շուտով Ռուբեն Հայրապետյանի ընտանիքի անվան հետ կկապեն ինչ- որ քրեական գործ եւ քննչական մարմինները ամեն կերպ կփորձեն ընտանիքի անդամներին ներգրավել այդ քրեական գործում։ Բացարձակապես չեմ զարմանա, եթե շուտով լսենք, որ Հայրապետյանի որդուն մեղադրանք է ներկայացվել ինչ-որ աղմկահարույց գործի շրջանակներում։

Անձամբ չեմ ճանաչում նրան, բայց բավականին շատ ընդհանուր ընկերներ ունենք, ովքեր դեռ վաղ հասակից Ռուբեն Հայրապետյանի որդու՝ Ռաֆայելի հետ միասին մեծացել են նույն բակում, նույն դպրոցում եւ հիմնվելով նրանց պատմությունների վրա, կարող եմ վստահ ասել, որ ինչքան էլ ապահովված ու հնարավորություններով լի կյանքով է ապրել ու ապրում Ռաֆայելը, բայց նա որեւէ կերպ չի կարող առնչվել հանցագործությունների կամ առավել եւս քրեածին տարրերի հետ։

Սա ուղղակի մեր իշխանությունների հերթական կապրիզն է. չկարողանալով Ռուբեն Հայրապետյանին ներքաշել իրենց կեղտոտ խաղերի մեջ, կրկին գործի դրվեց արդեն մեկ անգամ չստացված սցենարը, որը գործածեցին Հրայր Թովմասյանի վրա։ Եթե չեն կարողանում իրենց համար ոչ հաճելի անհատականությանը ծնկի բերել, սկսում են քրեական քաշքշուկների ենթարկել այդ անհատի հարազատներին։

Այս օրհասական ժամանակներում, երբ պետք է բոլորս մեր մեջ ունեցած ամբիցիաները կողքի դնենք եւ մեկ բռունցք դարձած պայքարենք համաճարակի տեսքով անտեսանելի թշնամու դեմ, մեր դուրսպրծուկ իշխանությունը շարունակում է իր անպատասխանատու գործողությունները մի շարք անհատների շուրջ, ովքեր տարիներ շարունակ աչքի են ընկել իրենց պետականամետ ու հայրենասիրական գործունեությամբ։

Չնայած զարմանալ պետք չէ, պատահականությամբ երկրի ղեկին հայտնված մարդկանց համար պետություն եւ հայրենիք եզրույթները անհասկանալի են», - այս մասին գրել է «Խեղափոխություն» հաղորդաշարի համահեղինակ եւ վարող ՆԱՐԵԿ ՄՈՒԹԱՖՅԱՆԸ եւ մեջբերել ՀՖՖ նախկին նախագահ Ռուբեն Հայրապետյանի խոսքերը. «Մի գեղեցիկ օր ես եմ իրենց պառկեցնելու ասֆալտին ու ոտքերս մաքրեմ իրենց վրա»:

Այս թեմայով ՆԳ նախարարի մամուլի քարտուղարն անդրադարձել է սոցցանցում տարածվող տեսանյութին Վահրամ Սահակյանի գործով դեռ փակագծեր չեմ բացի․ Մելիքյան «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Ռաֆայել Երանոսյանը նորություն ունի. նա «հարսանեկան» տեսանյութ է հրապարակել Հայտնի է մարզպետից՝ համայնքապետ ձգտման պատճառը