ՌԴ-ում սկսվում է արհեստական շնչառության եզակի սարքերի արտադրությունը

Դաշնային բժշկակենսաբանական գործակալությունը թոքերի արհեստական օդափոխության սարք է ստեղծել, որը թույլ է տալիս միաժամանակ օգնել չորս հիվանդների։ Այս մասին հայտնել Է Ֆեդերալ բժշկա-բիոլոգիական գործակալության ղեկավար Վերոնիկա Սկվորցովան՝ «1-ին ալիքի» եթերում։ «Դաշնային բժշկակենսաբանական գործակալության, առաջին հերթին՝ Բուռնազյանի կենտրոնիին եւ «Ռոստեխ» պետական կորպորացիայի կողմից հաջողվել է մի քանի օրվա ընթացքում ստեղծել փորձառու սարքեր, որոնք թույլ են տալիս օդափոխել երկուսից չորս հիվանդ,- ասել է Սկվորցովան:- Այս համակարգը տարբերվում է արտասահմանյան անալոգներից նրանով, որ ռուս մշակողները մանրէասպան զտիչներ են ստեղծել։ Մեկ ֆիլտր գտնվում է սարքի մուտքի մոտ եւ թույլ է տալիս ոչ թե վարակել սարքը, այլ վարակազերծ վիճակում պահել մյուս խողովակները, որոնք տրվում են այլ հիվանդներին։ Այն թույլ է տալիս ապահովել մանրէներից եւ վիրուսներից պաշտպանվելու 99,9%  պաշտպանվածություն» - ասել է նա ։

Սկվորցովան նշել է, որ այդ համակարգն ունիվերսալ է․ «Այն հարմար է թոքերի արհեստական օդափոխության ցանկացած մոդելի եւ նույնիսկ շնչառական-անզգայացման ապարատին միացնելու հաամր: Այն համատեղելի է եւ հայրենական, եւ արտասահմանյան արհեստական շնչառության սարքերի հետ»,- հավելել է Սկվորցովան: «Մենք արդեն երկուշաբթի օրվանից գործարկում ենք արտադրական հարթակը։ Ապրիլ ամսվա ընթացքում կարտադրվի 80 հազար սարք։ Մայիսից անցնում ենք ամսական 200 հազար այդպիսի կոմպլեկտների արտադրական հզորության։ Դա նշանակում է, որ, հաշվի առնելով Ռուսաստանի Դաշնության բոլոր սուբյեկտներում արհեստական շնչառության սարքերի առկայությունը, մենք կարող ենք օգնել բացարձակապես բոլոր տարածաշրջաններին, կլինիկաներին, որոնք ունեն վերակենդանացման բաժանմունքներ»,- խոստացել է Սկվորցովան:

Այս թեմայով Շերլոկ Հոլմսից մինչև արհեստական բանականություն․ ինչպե՞ս է փոխվել դետեկտիվի աշխատանքը Ucom-ը և FAST-ը միավորում են արհեստական բանականությունն ու կանաչ նորարարությունը Արհեստական ​​բանականությունը վտանգավոր է «միջուկային մակարդակում» Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ Չինաստանում նախազգուշացրել են արհեստական բանականության՝ պետական անվտանգության համար սպառնալիքների մասին