​​​​​​​Արցախ՝ վաղվա հանդեպ մտահոգությամբ պայմանավորված ընտրություն. ՀՀ նախկին վարչապետ

Արցախի նախագահական ընտրություններին ընդառաջ՝ ՀՀ նախկին վարչապետ ԽՈՍՐՈՎ ՀԱՐՈՒԹՅՈՒՆՅԱՆԸ հայտարարությամբ է հանդես եկել, որում մասնավորապես ասված է.

«Կորոնովիրուսի համաճարակը Հայաստանում այսօր ամենագլխավոր օրակարգային հարցն է եւ դա միանգամայն բնական է, քանի որ համաճարակը եւ նրա հնարավոր հետեւանքները ձեւավորել են եւ առաջիկայում կձեւավորեն համակարգային լուծումներ պահանջող լրջագույն խնդիրների համախումբ՝ հանրային կյանքի բոլոր ոլորտներում: Իրավիճակն ավելի է բարդանում պայմանավորված այն անորոշություններով, որոնք այսօր առկա են գլոբալ զարգացումներում: Ինչպիսին կլինի աշխարհը վաղը՝ ոչ ոք չի կարող կանխատեսել:

Այս ֆոնին Արցախում ներքաղաքական զարգացումները՝ կապված առաջիկա համապետական ընտրություների հետ, կարծես թե դուրս են մնացել մեր առօրյա հետաքրքրությունների շրջանակից:

Մինչդեռ, հաշվի առնելով վերը նշված անորոշությունների պայմաններում տարածաշրջանում եւ նրա շուրջ աշխարհաքաղաքական հնարավոր զարգացումները եւ դրանցում ղարաբաղյան հակամարտության, որպես գործոնի, կարեւորությունը, առանց սխալվելու հավանականության, կարող ենք պնդել, որ այդ ընտրությունների արդյունքներն ունեն աշխարհաքաղաքական նշանակություն եւ ուղղակիորեն դառնալու են թե՛ Արցախի եւ թե՛ Հայաստանի հուսալի անվտանգության կարեւոր գրավականներից մեկը:

Բոլորովի ավելորդ չէ փաստել, որ այսօր, առավել քան երբեւէ, հայ ընտանիքների անվտանգությունը հայկական երկու պետություններում սկսվում է Արցախից:

Անշուշտ, Արցախի Հանրապետության Նախագահի բոլոր թեկնածուներն ունեն իրենց արժանիքները: Սակայն ստեղծված պայմաններում շատ կարեւոր է, թե նրանցից ո՞ւմ կարելի է առավել վստահել Հանրապետության զինված ուժերի գերագույն գլխավոր հրամանատարի պաշտոնը: Այսօր սա զուտ Արցախի ներքաղաքական խնդիրը չէ:

Քաղաքական ողջամտությունը եւ վաղվա հանդեպ մտահոգությունը թելադրում են, որ Արցախի ժողովուրդը նախապատվությունը պետք է տա իր հուսալի եւ անվտանգ ապագային՝ Արցախի հերոս, գեներալ Վիտալի Բալասանյանին:

Այդպիսին կլիներ իմ ընտրությունը, եթե ես ընտրելու հնարավորություն ունենայի»:

Այս թեմայով Ուկրաինայի համար շատ ծանր ձմեռ է լինելու. Բուլղարիայի վարչապետ Աննա Հարությունյանը Միլանում արժանացել է «Լավագույն հավաքածու» մրցանակին «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Հայտնի է մարզպետից՝ համայնքապետ ձգտման պատճառը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց