Արցախյան շնորհավորանք՝ թատերական գործիչներին

Մարտի 27-ը թատրոնի միջազգային օրն է, այդ առթիվ Արցախի հանրապետության Մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը շնորհավորել է թատերական գործիչներին:

 «Ջերմորեն շնորհավորում եմ մեր թատերական գործիչներին, թատրոնի նվիրյալներին ու թատերասեր հանրությանը: Թատրոնը մարդկության ստեղծած թերևս մեծագույն արվեստն է՝ ինտելեկտուալ ու միաժամանակ անչափ զգայական, հուզող ու ապրեցնող: Թատրոնը տակնուվրա է անում մարդու հոգին ու միտքը, այնուհետ երանելի հանգստություն բերելով՝ թռիչք պարգևում : Թատրոնը մեզ համար հոգևոր արժեքների պահպանման, զարգացման ու տարածման, ինչպես նաև հայապահպանության օջախ է:

Արցախյան թատրոնն ունի հարուստ ավանդույթներ ու կենսագրություն, ունեցել է և այսօր էլ ունի նվիրյալներ, ովքեր արհամարհելով վտանգ ու անհարմարություն, բազում դժվարություններ հավատարիմ են մնացել թատրոնին ու հանդիսատեսին:

Այսօր ունենք վերածնված ու կենսունակ թատրոն, որի արմատներն ամուր են, ճյուղերն էլ՝ ծաղկած: Սիրելի ՛ թատերական գործիչներ, ձեր նվիրվածության շնորհիվ է, որ այսօր մարդիկ վերադառնում են թատրոն, թատրոնն էլ՝ մարդկանց սրտեր: Շնորհավորում եմ ձեզ, մաղթում բազում հաջողություններ, նոր ներկայացումներ, հրաշալի բեմեր: Եվ ամենակարևորը, մաղթում եմ ամենամոտ ապագայում վերադառնաք ձեր «հայրական տուն» ու վայելեք ձեր հանդիսատեսի անդավաճան սերը»:

Այս թեմայով «Իրավունք». Թիրախում արցախյան գեներալիտետն է. աղմկահարույց ձերբակալություններ են սպասվում Լոռու մարզի Ակներ գյուղի ժողովրդական թատրոնը նշեց հիմնադրման 100-ամյակը Որտե՞ղ էիք այն ժամանակ, երբ Մանվել Գրիգորյանին պետք էր ոչ թե հետմահու հերոսացնել, այլ կենդանի. Բացառիկ հարցազրույց գեներալի հայտնի փաստաբանի հետ Ովքեր են Հայաստանը ներկայացրել Ավինյոնի միջազգային թատերական փառատոնում «Թատերական Լոռի»-ն այս տարի նվիրվում է Թբիլիսիի հայկական թատրոնի 170-ամյակին