ԱՎԻՆՅԱՆԸ ԱԶԴՈՒՄ Է ՆԻԿՈԼԻ ՆՅԱՐԴԵՐԻ ՎՐԱ

Վաղուց նկատվել է, որ առաջին փոխվարչապետ Ավինյանը ազդում է իր շեֆի նյարդերի վրա: Երեւի, շատերը հիշում են` ինչպես մի քանի օր առաջ նրանց միջեւ եղավ սուր երկխոսություն, երբ Ավինյանը անհամաձայնություն հայտնեց Նիկոլին, վերջինս էլ իր տեղակալին խորհուրդ տվեց «ուվերեննի» չլինել:

Այսօրվա կառավարության նիստում  Ավինյանը կրկին փորձեց  խոսք ասել: Սակայն Նիկոլը միանգամից նրա բերանին եկավ եւ նյարդայնացած պատասխանեց, թե. «Պետք չէ մեզ հիշեցնել, մենք շատ լավ հիշում ենք, թե Հայաստանում ինչ խնդիրներ կան, եւ հերթով քննարկում ենք դրանք»: Դրանից հետո անմիջապես Նիկոլը փոխեց թեման եւ թույլ չտվեց, որ Ավինյանի «հիշեցումը» դառնա քննարկման առարկա: Ի դեպ, այս կարգի կտրուկ եւ կոպիտ Նիկոլը խոսում է միայն  Ավինյանի հետ: Կառավարության մյուս անդամների խոսքերի եւ մտքերի հանդեպ նա շատ ավելի համբերատար է: Ընդ որում, հետաքրքիր է, որ ասելով` թե «պետք չէ մեզ հիշեցնել», Նիկոլը ենթագիտակցորեն փաստում է, թե նա եւ իր կառավարությունը առանձին են, իսկ Ավինյանը` առանձին: Եվ Ավինյանը չէ, որ պետք է հիշեցնի Նիկոլին` իր կառավարության հետ, ինչ խնդիրներ կան երկրում: Ի դեպ, ԱԺ հարց ու պատասխանի ժամանակ նկատելի էր` թե պատգամավորների հարցին նախարարներից ով պետք է պատասխանի, որոշում էր ոչ թե Նիկոլը, այլ` Ավինյանը: Եվ ընդհանրապես, վերջին շրջանում Ավինյանը իրեն դրսեւորում է որպես  կառավարության իրական ղեկավար: Այդ լարվածությունը Ավինյանի հանդեպ շատերը բացատրում են նրանով, որ անդրազգային կենտրոններում որոշում է ընդունված, որ Նիկոլին արդեն ժամանակն է` ճամփու դնելու: Եվ որպես փոխարինող` դիտարկվում է Ավինյանը: Այդ մասին շատ է գրվել, եւ չի բացառվում, որ արտակարգ դրության ավարտից հետո այդ փոփոխությունը տեղի ունենա: Բնականաբար, Նիկոլը  այդպիսի ապագայից հիացած չէ: Սակայն նա չէ` ո՛չ իր, ո՛չ էլ Ավինյանի ճակատագիրը որոշողը: Իսկ այսպիսի վիճակում գտնվողը պետք է որ նյարդայնանա:

Ա. ՀՈՎՀԱՆՆԻՍՅԱՆ

Այս թեմայով Այս տարի Էրեբունի-Երևանը տոնում ենք երկու օր․ Տիգրան Ավինյան Ինչի՞ էիք Վեհափառի աջը համբուրում ու սելֆի անում նրա հետ 2018 թվականին․ հարց՝ Փաշինյանին Չկա տենց դեպք, որ մի քաղաքացու աջակցած չլինենք ու ինքը 2-րդ, 3-րդ, 4-րդ… 8-րդ անգամ դիմած չլինի Որևիցե ազդակ չունենք, որ գազի գինը թանկանալու է․ նման հարցի դեպքում սցենարներ ենք քննարկում Հիմա էլ , որ սեպտեմբերի 27-ին ուղերձ գրեինք, ասելու էիք՝ Արցախ գրված չի, ագրեսիա գրված չի. Փաշինյան