«ԷՇ, ՄԻ ՍԱՏԿԻ, ԳԱՐՈՒՆ ԿԳԱ, ՅՈՆՋԱ ԿՈՒՏԵՍ»

Մարտի 16-ից ՀՀ-ում հայտարարված արտակարգ դրությունից հետո մի շարք քաղաքացիներ կանգնել են խնդրի առաջ, որովհետեւ հարկադիր պարապուրդի պարագայում ոչ բոլոր գործատուներն են պատրաստ կամ կարող են վճարել նրանց աշխատաավարձերը: Ուրեմն` ինչպե՞ս քաղաքացիները լուծեն իրենց օրվա հացի խնդիրը, փորձեցինք մեկնաբանություն ստանալ «Իմ քայլը» խմբակցության ղեկավար ԼԻԼԻԹ ՄԱԿՈՒՆՑԻՑ.

- Պարետատունը այդ հարցերով զբաղվում է: Մասնավորապես` մշակելու է այն բացասական հետեւանքների մեղմացման մեխանիզմները, որոնք պիտի տեղ գտնեն Հայաստանում: Եվ 150 միլիարդի հատկացումը տարբեր շերտերով եւ տարբեր ծրագրեր իրականացնելով` հենց դրան է միտված:

– Բայց մինչ այդ ծրագրերը կյանքի կոչվեն, քաղաքացիները, որ այսօր օրվա հացը չեն կարողանում վաստակել, ի՞նչ անեն:

– Ինչպես ամբողջ աշխարհում, այնպես էլ ՀՀ-ում, իհարկե, երեւի թե չենք գտնի այնպիսի ոլորտ կամ անձինք, ովքեր այս կամ այն չափով որոշակի վնաս չեն կրել: Բայց նորից եմ ասում, հենց այդ վնասները եւ բացասական հետեւանքները մեղմելու համար քայլեր ձեռնարկվում են: Այդ թվում՝ Աշխատանքի եւ սոցիալական հարցերի նախարարությունը այժմ մշակում է փաթեթ, որտեղ տեղ կգտնեն հատկապես անապահով խավին առնչվող խնդիրները: Առաջարկում եմ մի փոքր սպասել, որովհետեւ տարբեր առաջարկներ են քննարկվում եւ լավագույն մոտեցումներ են փորձում իրականացնել:

Կարճ ասած՝ «Էշ, մի սատկի, գարուն կգա, յոնջա կուտես»:

ԻԼՈՆԱ ԱԶԱՐՅԱՆ

Այս թեմայով Հանդիսատեսը Պարոնյան թատրոնի վերափոխման եւ վերածննդի ականատեսն է լինելու․ Լիլիթ Պետրոսյան «Հրապարակ»․ Լիլիթ Թադեւոսյանը պաշտոնը «ժառանգություն է թողնելու» Հայ ռազմագերիների պաշտպանության հարցով դիմել եմ ՄԻՊ Անահիտ Մանասյանին․ Լիլիթ Գալստյան «Իրավունք». Լիլիթ Մակունցը որոշում ունի Կյանքից հեռացել է ՀՀ մշակույթի վաստակավոր գործիչ Սերգեյ Առաքելյանը