Ինչո՞ւ է նախարարությունը ֆինանսավորում հունվար ամսից

Այսօր` մարտի 27-ին՝ ժամը 16:00-ին, կառավարության մամուլի կենտրոնում տեղի ունեցած ՀՀ էկոնոմիկայի նախարարի տեղակալներ Վարոս Սիմոնյանի և Նաիրա Մարգարյանի մամուլի ասուլիսի ընթացքում, iravunk.com-ը ուղղեց հետևյալ հարցը.
Ըստ կառավարության որոշմանՙ կառավարության դրամաշնորհներ ստանալու են այն կազմակերպությունները, որոնք հունվարից սկսած չեն պակասեցրել իրենց աշխատակիցների թիվը: Ի՞նչ կապ ունեն հունվար եւ փետրվար ամիսները կորոնավիրուսի հետ, երբ այն մեր երկրում ի հայտ է եկել մարտ ամսին:

Արդյո՞ք հունվարը եւ փետրվարը ներգրավել եք հաշվարկների մեջ, որպեսզի արհեստականորեն նվազեցնեք այն կազմակերպությունների թիվը, որոնց տրվելու է այն դրամաշնորհը:

ՀՀ էկոնոմիկայի նախարարի տեղակալ Նաիրա Մարգարյանը մեր հարցին պատասխանեց հետևյալ կերպ.

Մենք չենք կարող նախորդ տարին դիտարկել, մենք դիտարկում ենք հունվար-պետրվար ամիսները: Փետրվար ամիսն արդեն իսկ զբոսաշրջության համար խաթարված էր, որովհետև զբոսաշրջիկները, նախ տարբեր տեղերից են գալիս, ուստի սահմանափակում սկսեց և հետո արդեն այն տագնապային վիճակն էր, որ մարդիկ զգուշանում էին օգտվել նմանատիպ ծառայություններից, սակայն հարցը հետևյալն է՝ մենք խթանում ենք, որպեսզի որքան հնարավոր է շատ կազմակերպություններ դիմեն և դրամաշնորհ ստանան, իսկ դրամաշնորհների պայմանն աշխատակիցներին չկրճատելն է: Մենք հնարավորություն ենք տալիս, որ յուրաքանչյուր հինգ աշխատակցի թվով, մեկ աշխատակցի միջին աշխատավարձը ստանալ որպես դրամաշնորհ: Նաիրա Մարգարյանը հավելեց, որ որքան շատ աշխատակիցներ ունենան կազմակերպություններն, այդքան մեծ կլինի դրամաշնորհների ընդհանուր գումարը:

Վերջինս իր խոսքը եզրափակեց հետևյալ կերպ՝ սա խթանող միջոցառում է, հակառակը չսահմանափակող:

Հայկ Գևորգյան 

Այս թեմայով «Հրապարակ». Սիսիանում՝ Շաքիի դեպքերից հետո մեծ վախ է տիրում ԱՄՆ–ում բենզինի գները փոխում են մեծ խաղի կանոնները ՆԳ նախարարի մամուլի քարտուղարն անդրադարձել է սոցցանցում տարածվող տեսանյութին Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա