ԱՄՆ-ն կորոնավիրուսային բացարձակ առաջատարն է․ 86 000 վարակված

Եվ այսպես, ԱՄՆ-ն դարձավ կորոնավիրուսային համաշխարհային բացարձակ առաջատարը, եւ ոչ միայն այս պահին առկա վարակվածների թվով, այլ բացարձակ ցուցանիշով։ Այսպես, եթե ողջ համաճարակը ընթացքում Չինաստանն ունեցավ 81 782 վարակված, որոնցից 3 291-ը մահացել է իսկ 74 181-ը՝ բուժվել, ապա ԱՄՆ-ում վարակվածների թիվն այսօրվա դրությամբ 85 991 է (1 296-ը՝ մահացած, 753-ը՝ բուժված)։ Ընդ որում, Չինաստանում այս պահին վարակը գործնականում կանգ է առել, իսկ ահա ԱՄՆ-ում վիրուսը գնալով միայն թափ է հավաքում։ Չմոռանանք նաեւ, որ Չինաստանն ունի 4 անգամ շատ բնակչություն, քան ԱՄՆ-ն, այսինքն, այս պահի դրությամբ 1000 մարդու հաշվարկով վարակվածությունն ԱՄՆ-ում 4 անգամ գերազանցում է Չինաստանին։

Բացարձակ ցուցանիշներով երրորդ տեղում է Իտալիան, որը, սակայն, նույնպես այսօր կգերազանցի Չինաստանին։ Այսպես, Իտալիայում վարակվածների թիվն այս պահին 80 589-է (8 215-ը մահացած, 10 361-ը՝ բուժված)։ Սակայն հաշվի առնելով, որ Իտալիայի բնակչությունն ընդամենը 62-63 միլիոնի կարգի է, ապա այն 100 000 բնանկչի հաշվով մոտ 6 անգամ ավելի բարձր ցուցանիշ ունի, քան ԱՄՆ-ն եւ մոտ 25 անգամ, քան Չինաստանը։ 

Նշենք նաեւ, որ հիվանդացության բարձր տեմպեր կան նաեւ Իսպանիայում (57 786 վարակված, 4 365 մահացած ու 7 015 բուժված) եւ Գերմանիայում (43 938 վարակված, 267 մահացած ու 5 673 բուժված), որոնք եւս կարող են Չինաստանից անցնել։ Իսկ ահա Գերմանիայում մահացածների համեմատաբար փոքր թիվը ցույց է տալիս, որ գերմանացիներն արդարացնում են աշխարհում լավագույն բուժհամակարգերից մեկն ունենալու համբավը։ Կայուն վիճակ է նաեւ Ֆրանսիայում (29 566 վարակված, 1 698 մահացած ու 4 955 բուժված), որտեղ վերջին օրերին արձանագրվել են հիվանդացության տեմպերի նկատելի անկում։ Վերջապես, լուրջ հաջողություններ է արձանագրում նաեւ Իրանը (29 406 վարակված, 2 234 մահացած ու 10 457​​​​​​​​​​​​​​ բուժված), որը, թեեւ մի պահ համաշխարհային առաջատարներից էր, սակայն այս պահին վարակի տարածմանաճը գործնականում կանգ է առնում։ Հաշվի առնենք նաեւ, որ Իրանն ունի նույն կարգի բնակչություն, ինչ Գերմանիան՝ մոտ 83 միլիոն։ Այսինքն, Իսլամական հանրապետությանը հաջողվեց 100 000 բնակչի հաշվարկով նկատելիորեն ավելի լավ ցուցանիշ արձանագրել, քան ԱՄՆ-ն, Գերմանիան, էլ չենք խոսում եվրոպական Իտալիայի եւ Իսպանիայի մասին։ 

Աշխարհում այս պահին վարակվածների թիվը 532 788 է։ Մահացել է 24 077 եւ բուժվել՝ 122 672 մարդ։

Ինչ վերաբերում է Հայաստանին, ապա մարտի 27-ի դրությամբ ունենք կորոնավիրուսի հաստատված 329 դեպք: Փաստացի այս պահին բուժվում է 311 անձ: Ապաքինվել է 18 անձ: 1 մարդ մահացել է:

Ս․Աբրամյան

Այս թեմայով Ալիեւն աշխարհում միայն երկու գերտերություն է տեսնում՝ ԱՄՆ-ն և Չինաստանը ԱՀԱԶԱՆԳ.Ընտանեկան բժիշկների համար ստեղծվել է այնպիսի իրավիճակ, որը հանգեցնում է ուղեգրումների սահմանափակման ԱՄՆ-ում փորձում են փրկել մահապատժի ենթարկված կնոջը փրկելու համար ԱՄՆ–ում բենզինի գները փոխում են մեծ խաղի կանոնները ԱՄՆ-ն ուղարկում է երրորդ ավիակիր խումբը և 10,000 զինվոր՝ Իրանի հետ պատերազմը վերսկսելու համար. Wall Street Journal