Ռուսաստանն ու ևս 7 երկիր խնդրել են ՄԱԿ-ի գլխավոր քարտուղարին կոչ անել չեղարկել իրենց նկատմամբ պատժամիջոցները

ՄԱԿ-ում Ռուսաստանի, Չինաստանի, Իրանի, Սիրիայի, Կորեայի Ժողովրդադեմոկրատական Հանրապետության, Կուբայի, Նիկարագուայի և Վենեսուելայի մշտական ներկայացուցչությունները նամակ են հղել կազմակերպության գլխավոր քարտուղար Անտոնիո Գուտերեշին` խնդրելով նրան կոչ անել չեղարկել ԱՄՆ-ի միակողմանի պատժամիջոցները, որոնք խանգարում են պայքարել կորոնավիրուսի դեմ: Այս մասին տեղեկացնում է ՌԻԱ Նովոստի գործակալությունը:

«Այսօր մենք ընդհանուր թշնամի ունենք` Covid 19-ը: Եվ ինչպես հասկանում եք, ժամանակն է պատրաստվելու, արագանալու, ակտիվանալու: Մեր կառավարությունները քաղաքական կամք ունեն շարժվելու այդ ուղղությամբ»,-ասված է նամակում:

Այնուամենայնիվ, նամակում նշվում է նաև, որ այդ գործը շատ դժվար, եթե ոչ անհնարին է այն երկրների համար, որոնք բախվում են իրենց նկատմամբ տարվող միակողմանի պատժամիջոցներին, որոնք ապօրինի են և խստորեն խախտում են միջազգային իրավունքն ու ՄԱԿ-ի կանոնակարգը:

«Վերը նշվածից ելնելով՝ մենք հարգանքով կոչ ենք անում ձեզ պահանջել տնտեսական ճնշման նման անհիմն և ապօրինի քայլերի չեղարկումը, որպեսզի ապահովվի միջազգային հանրության կողմից արդյունավետ և համապարփակ պատասխանը կորոնավիրուսին»,-ասված է նամակում:

Հայտնի է, որ ամբողջ աշխարհում նոր տեսակի կորոնավիրուսով վարակվածների թիվը հասել է 435 036-ի, որից 21 295-ը՝ մահվան ելքով։ Հիվանդությունից ապաքինվել է ավելի քան 114 642 մարդ։

Այս թեմայով ԱՀԱԶԱՆԳ.Ընտանեկան բժիշկների համար ստեղծվել է այնպիսի իրավիճակ, որը հանգեցնում է ուղեգրումների սահմանափակման Հզոր մագնիսական փոթորիկը կծածկի Երկիրը․ տեխնիկան կարող է խափանվել, մարդիկ վատ կզգան իրենց Հանրային քրեական հետապնդում է հարուցվել Ադրբեջանի քաղաքացու նկատմամբ ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով