Վրաստանում կորոնավիրուսով վարակվածների թիվը հասել է 70-ի

Մասնագետները կորոնավիրուսով վարակման եւս մեկ դեպք են հայտնաբերել, հաղորդվում է կառավարության stopcov.ge կայքում, փոխանցում է «Նովոստի-Գրուզիա»-ն:

Վրաստանում վարակման լաբորատոր կերպով հաստատված դեպքերի ընդհանուր թիվը հասել է 70-ի: Նրանցից երկուսն Ավստրիայի քաղաքացի են եւ արդեն լքել են Վրաստանը, եւս 9-ը առողջացել է:

«Նոր հիվանդը խնդրահարույց չի համարվում, նրա վիճակը նորմալ է»,- լրագրողներին ասել է Թբիլիսիի ինֆեկցիոն հիվանդանոցի տնօրեն Մարինա Էզուգբայան: Ըստ նրա` նոր հիվանդը ժամանել էր Միացյալ նահանգներից:

Այս պահի դրությամբ, ավելի քան չորս հազար մարդ գտնվում է կարանտինում, Լուգարի լաբորատորիան շուրջօրյա ստուգումներ է իրականացնում վիրուսի հայտնաբերման համար, այդ թվում` այն քաղաքացիների շրջանում, որոնք արտասահմանից Վրաստան ժամանելուց հետո պարտադիր կարանտինում են գտնվում, ինչպես նաեւ` Մառնեուլի եւ Բոլնիսի շրջանների բնակիչների շրջանում, որտեղ խիստ կարանտինի ռեժիմ է գործում: Հիվանդանոցներում բժիշկների հսկողության տակ 252 պացիենտ է գտնվում:

Այս թեմայով Պետական պաշտոնյանների աշխատավարձից ֆորմալինի հոտ է գալու. Թաղման նպաստի կրճատման հետքերով Իրանի հետ պատերազմում ԱՄՆ-ի կորուստները հասել են «պատմականորեն աննախադեպ մակարդակի» Վրաստանում ռուսաֆոբիան պետք է արմատախիլ արվի. Կոբախիձե Դանուբի նավահանգիստների վրա ռուսական հարվածները հասել են աննախադեպ մակարդակի. Ռումինիայի ՊՆ Համաշխարհային օվկիանոսի ջերմաստիճանը հասել է 2026 թվականի սկզբից առավելագույն արժեքին