ԿԳՄՍ նախարարությունը գործարկել է Էլեկտրոնային մատյան

ՀՀ կրթության, գիտության, մշակույթի և սպորտի նախարարությունը գործարկել է Էլեկտրոնային մատյան։ Այս մասին տեղեկանում ենք նախարարության ֆեյսբուքյան էջից։

«Էլեկտրոնային մատյանը կրթության կառավարման տեղեկատվական համակարգի բաղկացուցիչ է։ Էլեկտրոնային մատյանում արդեն իսկ ստեղծված են բոլոր դպրոցները՝ առանձին դասարաններով, դասարաններին կից ուսուցիչներով:

Էլեկտրոնային մատյանը հնարավորություն կտա ավելի արդյունավետ և տեսանելի դարձնել հեռավար ուսուցման ուղղությամբ դպրոցների և ուսուցիչների իրականացրած քայլերը, գործընթացը կդարձնի ավելի համակարգված։

Էլեկտրոնային մատյանն օգտագործելու մանրամասն տեսաուղեցույցը կտեղադրվի նաև հեռավար կրթության համալիր էջում և Յութուբի ալիքում։

Էլեկտրոնային օրագրից օգտվելու հիմնական քայլերն են.

Ձեր դպրոցի օպերատորից ստացեք դպրոցների կառավարման տեղեկատվական համակարգում ձեր ID-ն (աշխատակցի ունիկալ նույնացուցիչ)

Մուտք գործեք կրթության կառավարման տեղեկատվական համակարգ` emis.am

Ընտրեք դպրոցների կառավարման համակարգ բաժինը

Ընտրեք դպրոցների տվյալների մուտքագրման համակարգ բաժինը և սեղմեք, կհայտնվի պատուհան, որտեղ մուտքագրեք օպերատորից ստացած ID` երկու վանդակում էլ»։

Այս թեմայով «Հրապարակ». Ուսուցիչներն ահազանգում են. ԿԳՄՍ-ն չի ընդունել կամավոր ատեստավորման հայտերը «Հրապարակ». Ապարանում եւս մտադիր են գործարկել Գորիսի մոդելը Ուկրաինայում դադարեցրել են պայմանագրային զինծառայողներին վճարելը. Ռադայի պատգամավոր Սեմյոն Բաբայանը պատասխաններ է պահանջում ԿԳՄՍ նախարարությունից ՇՏԱՊԵՔ.«Իզմիրլյան» բկ-ում անոթային բաժանմունքի թափուր հաստիք կա