​​​​​​​«Օտարամոլ մի՛ եղեք, հերիք է, տեղի-անտեղի հզոր ոգի ցուցադրեք». Տ. Տիրայր աբեղա Հակոբյան

Ազգային ժողովի հայտարարությունների ժամին ԱԺ ԲՀԿ խմբակցության պատգամավոր Սերգեյ Բագրատյանը մեջբերել է Հռոմի պապի ուղերձը` ուղղված իտալացիներին, եւ իր վրդովմունքը հայտնել. «Արդյոք հայ ժողովուրդը արժանի չէ՞, որ իր կաթողիկոսը ուղերձ հղի իր զավակներին այս ծանր ժամանակներում, արդյոք ՀՀ նախագահը չպե՞տք է ուղերձ հղի այս ծանր օրերին»: Բագրատյանը նաեւ նշել է. «Շուտով կհանդիպենք. ցավոք, սա Ֆրանցիսկոս Պապի խոսքն է, ոչ թե Ամենայն հայոց կաթողիկոսի»:

Հնչեցված մտքերին անդրադարձել է Իտալիո հոգեւոր հովիվ, Հռոմի Պապական Գրիգորյան համալսարանի դոկտորանդ Հոգեշնորհ ՏԵՐ ՏԻՐԱՅՐ վարդապետ ՀԱԿՈԲՅԱՆԸ՝ մասնավորապես նշելով. «Եղբայր, ինչ լավ օրինակ եք բերում Հռոմի Պապին, ես ձեզ օրինակ բերեմ Իտալիայից, մեծահասակների համար թեժ գիծ, անվճար առաքում բնակարան, նոր օրինագիծ, ովքեր «սեւով» են աշխատել ֆինանսական աջակցություն, բոլոր վարձավճարների դադարեցում… Կարող եմ անվերջ շարունակել, ամբիոնից բղավեմ, մեր հարկերով ապրում եք եւ փոխանակ վերոգրյալի մասին խոսեք՝ հիշում եք, թե Կաթողիկոսը ինչ պիտի ասեր կամ հղեր իր ժողովրդին: Օտարամոլ մի՛ եղեք, այլապես ամեն երկրորդ նախադասությամբ հիշեցնենք ինչ են դրսում անում, որ Դուք չեք անում, անգամ Իտալիայում տեսախցիկով ֆիկսված խախտումներն են չեղարկում, դրանից խոսեք, դրա համար եք, որ օրինագիծ բերեք, հերիք է, տեղի-անտեղի հզոր ոգի ցուցադրեք»:

Այս թեմայով Այս պատմությամբ Աննան ազատվեց հայտարարագրեր լրացնելուց․ hzham.am Մայր Աթոռին հատկացված շինությունները Հայոց Հայրապետի անձնական ունեցվածք ներկայացնելը մանիպուլիացիա է Ճապոնիայում կատաղած մայր արջը հարձակվել է մեքենայի վրա՝ ձագին պաշտպանելու համար (Տեսանյութ) Հայաստանի հավաքականին նոր ֆուտբոլիստ է միացել ՀՐԱՏԱՊ. Մագնիսական փոթորկի ալիքը կհարվածի երկրին այսօր