ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆԸ ՀԱՄԱՌՈՐԵՆ ԼՌՈՒՄ Է

Առողջապահության նախարար Արսեն Թորոսյանից դեռեւս նախորդ շաբաթ գրավոր հարցմամբ փորձել էինք պարզել հետեւյալը: ՀՀ վարչապետ Նիկոլ Փաշինյանը կորոնավիրուսի եւ H1N1 վիրուսի հետ համեմատություններ անելիս` ասաց, որ Հայաստանում. «Այդ վիրուսից 2016-ին արձանագրվել է 30 մահ, իսկ 2009-ին լրիվ վիճակագրություն չի արձանագրվել, բայց մասնագետները նշում են, որ այդ վիրուսից Հայաստանում մահացել է շուրջ 50 քաղաքացի»: Ուստիեւ նախարարությունից խնդրել էինք մեզ տրամադրել վերոնշյալ վիրուսից մահացած անձանց ցանկը, որին որ տիրապետում էր վարչապետը` նշված հայտարարությունը անելիս: Բայց մինչ օրս, թեեւ երեկ լրացել է հնգօրյա ժամկետը, չենք ստացել որեւէ պատասխան: «Ընթացքի մեջ է»,- ընդամենը տեղեկացնում են ԱՆ-ից: Առնվազն զարմանալի է, որ այսքան երկար ժամանակ են փորձում պարզել: Եթե վարչապետը որեւէ հայտարարություն է անում, ենթադրելի է, որ ձեռքի տակ կան համապատասխան տվյալները: Այսինքն, կոնկրետ այս հարցի հետ կապված նախարարությունը պետք է որ տվյալներն ունենար եւ փոխանցեր վարչապետին: Բայց եթե հիմա այսքան երկար նույն տվյալներն են փնտրում, ուրեմն այդ ի՞նչ են տվել Փաշինյանին: Ու սա մեր միակ հարցումը չէ սույն նախարարությանը, որն այս օրերին մնում է առանց պատասխանի: Այսպես, ո՞ր դեպքում են երկրում հայտարարում համաճարակ, կորոնավիրուսով պայմանավորված երկրում համաճարակ հայտարարվա՞ծ է: Այս հարցի պատասխանը նույնպես արդեն մեկ շաբաթ է, ինչ փորձում ենք ստանալ Առողջապահության նախարարությունից: Ու թեեւ պատշաճ կերպով դիմել էինք, մեր հարցին անգամ մամլո ասուլիսին չպատասխանեց նաեւ նախարար Արսեն Թորոսյանը: Իսկ գրավոր հարցն էլ լռվել-մնացել է նախարարությունում: Մինչդեռ, հիշեցնենք, հենց այս հարցի պատասխանն էր, որ կարող էր դրվել արտակարգ դրության ռեժիմի հաստատման տակ: Այն առումով, որ ներկայիս տարբերակով արտակարգ դրությունը, ըստ գործող օրենսդրության, հնարավոր էր միայն համաճարակի դեպքում: 

ԻԼՈՆԱ ԱԶԱՐՅԱՆ

Այս թեմայով Դաժե ձեր մեռնելուց հետո ձերոնք ձեզնից «քյար» չեն ունենա․ ԶԱՐՄԱՆՔ 200 հազար դրամից ցածր աշխատավարձ ստացողները ներգրավվելու են ապահովագրության համակարգում. Թորոսյան Նվազագույն կենսաթոշակը կբարձրանա՝ դառնալով 47 հազար դրամ. սոցփաթեթի ծրագիրը հունվարից կավարտվի. Թորոսյան Թաղման նպաստները կստանան միայն անապահովները, կենսաթոշակը 1000 դրամով կբարձրանա. Արսեն Թորոսյան Տեր Աստված, ներիր խոսքերիս համար, բայց սրանք ուզում են մեր տղեքին սարքեն անհիշատակ մեռել․ Ղուկասյան