Փոխհատուցելու մասով` պետությունը «ձեռքերը լվաց»

ԱԺ «Լուսավոր Հայաստան» խմբակցության ղեկավար ԷԴՄՈՆ ՄԱՐՈՒՔՅԱՆԻ գնահատմամբ` երբ խոսում են արտակարգ դրության ժամանակ ֆորս-մաժորային իրավիճակների եւ պետության ստանձնած պարտավորությունների հարցի մասին, ենթադրվում է, որ Էկոնոմիկայի նախարարությունը պետք է արդեն ունենա վերլուծություն այն մասին, թե տնտեսության որ հատվածներն են խոցված: Այս մասին նա հայտարարեց ԱԺ արտահերթ նիստում եւ ՀՀ արդարադատության նախարար Ռուստամ Բադասյանից հետաքրքրվեց. «Ռեստորաններ, գեղեցկության սրահներ, հյուրանոցային բիզնես, տրանսպորային ծառայություններ. սրանք ծառայությունների ոլորտն են կազմում, եւ հեղափոխությունից հետո` մեծ շեշտադրում կար նրանց վրա: Հիմա լինում է հայտարարություն, որ այս ընկերությունները կարող են իրենց պարտավորությունների առումով զիջումների գնալ: Բայց այդ հայտարարությունը բավարար չէ, այժմ պետք է պետությունը նաեւ դիրքորոշում հայտնի, կողմերը չմարված պարտավորությունների մասով պետք է կարողանան միմյանց հետ հասնել համաձայնության, որպեսզի մեկ էլ չստացվի իրավիճակ, որ այդ խնդրի լուծումը սկսեն գտնել դատարաններում»:

Արձագանքելով վերոնշյալին` ՀՀ արդարադատության նախարար ՌՈՒՍՏԱՄ ԲԱԴԱՍԱՅԱՆՆ ասաց, որ պետությունը չի կարող բոլորին փոխհատուցում տալ եւ դիտարկում է միայն հատուկ խմբերին տրվող աջակցության հարցը: Չուշացավ նաեւ Է. Մարուքյանի պատասխանը, որը հիշեցրեց ոչ հեռավոր անցյալի` 2008 թվականին հայտարարված արտակարգ դրության ժամանակաշրջանը, երբ պետությունն անգամ փոխհատուցել է վառված, ջարդված եւ թալանված խանութներին, իրավաբանական անձանց:

ՀՐԱՆՏ ՍԱՐԱՖՅԱՆ

Այս թեմայով Քոչարյանն ամբողջությամբ մտավ հակառուսական դաշտ Ucom-ը՝  Հայաստան – Միացյալ Թագավորություն բիզնես համաժողովի պաշտոնական գործընկեր ՇՏԱՊ. Մինչեւ քրեական պատասխանատվության հարցի պատշաճ լուծումը, անձի հանձնումը պետք է հետաձգվի. Հայտնի փաստաբանը ադրբեջանցի զինվորի վերաբերյալ Հայաստան ցեմենտի ներմուծման ժամանակավոր արգելքը վերացվեց ՎՏԲ-Հայաստան Բանկը կորպորատիվ հաճախորդներին առաջարկում է ազատ միջոցների կառավարման արդյունավետ լուծումներ