«ԼՐԱԳՐՈՂՆԵՐԸ ԿԱՄ ՊԵՏՔ Է ԵՐԿՐՈՐԴԱԿԱՆ ԲԱՆԵՐԻ ՄԱՍԻՆ ԳՐԵՆ, ԿԱՄ` ԼՌԵՆ»

Գաղտնիք չէ, որ Հայաստանի իշխանությունները բավականին կոշտ միջոցառումներ են ձեռնարկում կորոնավիրուսի տարածման դեմ, այդ թվում` լրատվամիջոցների հանդեպ սահմանափակումներ: Արտակարգ դրության պայմաններում մամուլի նկատմամբ կիրառվող սահմանափակումների վերաբերյալ փորձեցինք մեկնաբանություն ստանալ «Մեդիա պաշտպան» նախաձեռնության ղեկավար ԱՂԱՍԻ ԵՆՈՔՅԱՆԻՑ, ով նկատեց.

- Կարծում եմ, որ արտակարգ դրությունը մեծապես դրդում է լրագրողներին փաստացի անգործության, քանի որ լրատվամիջոցներն ամենակարեւոր զարգացումների՝ համաճարակի մասին կարող են հրապարակել միայն պաշտոնական տեղեկատվություն: Ուրեմն, լրագրողները կամ պետք է երկրորդական բաների մասին գրեն, կամ` լռեն: Իշխանությունների ձեռնարկած քայլերը բացարձակ ադեկվատ չեն վիրուսի տարածմանը: Առհասարակ լրագրողների աշխատանքը իշխանափոխությունից հետո ավելի է բարդացել, քանի որ նոր իշխանությունները ավելի ուշադիր են նրանց աշխատանքի նկատմամբ եւ ուրեմն՝ ավելի պահանջկոտ են: Սա բարդացնում է լրագրողների աշխատանքը: Մյուս կողմից, ավելացել է լրատվամիջոցների թիվը ընդհանրապես, եւ մասնավորապես այն լրատվամիջոցների թիվը, որոնք աֆիլացված չեն իշխանությունների հետ: Այս միտումն էլ դյուրացնում է լրագրողների աշխատանքը: Այնպես որ, գտնվում ենք անհայտ միտումով ինչ-որ մի անցումային շրջանում, որտեղ կհաղթեն այն լրագրողները եւ լրատվամիջոցները, որոնք ավելի մեծ պրոֆեսիոնալիզմ կցուցաբերեն:

ԻԼՈՆԱ ԱԶԱՐՅԱՆ

Այս թեմայով Գյուղատնտեսության ծավալը պատմական կրճատում է ապրել՝ 1/6-ով. Տնտեսագետը ահազանգում է ՍԱՐՍԱՓ. Նրա ձեռքում եղել են կնոջ մազերը. Նոր մանրամասներ՝ Սևանում 22-ամյա հղի կնոջ կյանքից հեռանալու դեպքից Ազատ արձակված ցմահ դատապարտայլ Մհեր Ենոքյանի կինը հայտարարություն է տարածել Բողոքարկել է ցմահ դատապարտյալ Մհեր Ենոքյանին պայմանական վաղաժամկետ ազատ արձակելու որոշումը Ցմահ դատապարտյալ Մհեր Ենոքյանն ազատ է արձակվել. «ԱրմԼուր»