Սրանք ոչինչ չգիտեն, ոչինչ չեն կարող

Այսօրվա  Նիկոլի կառավարությունը  ոչ այլ ինչ է, քան կառավարության ծաղր: Որեւէ հարցին պատասխան չունեն, որեւէ խնդրի լուծում չունեն: Մամուլի ասուլիսներ են տալիս ինչ-որ կմկմացող եւ քթի տակ անհասկանալի նախադասություններ բարբաջող դեղնակտուցների, որոնց հիմնական պատասխանը հետեւյալն է` սա իմ իրավասություններից դուրս է, այս հարցին իրավասու չեմ պատասխանել, այս հարցի վերաբերյալ էլ վերջնական դիրքորոշում չունենք: Թեեւ, ի՞նչ պահանջել խեղճ ու կրակ նախարարներից, եթե իրենց շեֆը` Նիկոլը, նույնպես ոչ մի հոդաբաշխ նախադասություն չի արտահայտել: Խոսում է ինչ-որ հեռավոր ծրագրերից եւ մտադրություններից ու հայտարարում, թե փնտրտուքի մեջ է: 

Այսօր այդ խղճահարությունն առաջացնող վիճակում հայտնվեց  սոցապ նախարարի տեղակալը`ոմն Սարգսյանը, որի ամբողջ ասածը այն էր, որ թե ինչ անել, նա չգիտի, ինչպես լուծել աշխատանքային հարցերը, վերջնական դիրքորոշում չունի, իրենց վաղվա օրը չպատկերացնող տասնյակ-հազարավոր աշխատակիցներին ոչինչ ասել չի կարող եւ այլն: Միակ միտքը, որը արտահայտեց սույն փոխնախարարը, այն էր, թե կարելի է վերցնել այս ընթացքում հերթական արձակուրդը, որը ինչպես հայտնի է, վճարովի է: Սակայն այն հարցին, թե ինչպես պետք է հիմնարկի ղեկավարությունը վճարի այդ արձակուրդը, եթե դա ոչ թե պետական հիմնարկ է, այլ բիզնես, փոխնախարարը, իհարկե, պատասխան չուներ: Այն հարցին, թե  ինչպե՞ս են մարդիկ վճարելու կոմունալ ծախսերը, եթե զրկվել են իրենց  աշխատանքից, փոխնախարարը նշեց, որ դա իր նախարարության գործը չէ: Հետաքրքիր է իմանալ, թե ո՞ր նախարարության գործն է դա: Այսօրվա նախարար-փոխնախարարների հիմնական զբաղմունքը դարձել է իրենց վրայից հարցերը ցրելը, թե սա իմ գործը չէ, սա իմ իրավասություններից դուրս է եւ այլն: Մնում է հարց տալ` իսկ ինչո՞ւ համար եք ստանում աշխատավարձ, ահռելի պարգեւատրումներ, պահում եք քարտուղարուհիներ, տեղակալներ, վարորդներ եւ ավտոմեքենաներ: 

Ինչպես եւ այդ բոլոր նախարարիկների ու պատգամավորիկների շարանը, այս մեկն էլ խոսեց ինչ-որ ապագա կարգավորումների մասին, որոնք կլինեն չգիտես երբ եւ չգիտես ինչպես: Այդ կարգավորումները  ինչ-որ բաներ կնախատեսեն, բայց ի՞նչ, ոչ ոք չգիտի: Նաեւ ինչ-որ  փոփոխություններ կլինեն 2021 թվականի հուլիսից, եւ այդ ժամանակ  դեռեւս  կենդանի մնացած աշխատողների  խախտված իրավունքները պետությունը կսկսի պաշտպանել: Ա՜յ քեզ ծաղրանք: Մարդիկ հարցնում են վաղը ի՞նչ պետք է ուտենք, փոխնախարարը պատասխանում է, թե 2021 թվականի հուլիսին կդիմեք  ձեր իրավունքների պաշտպանության համար: Իսկ հիմա կարող եք դիմել դատարան եւ, հաշվի առնելով մեր դատարանների արագագործությունը, պատասխանը կստանաք նույնիսկ ավելի ուշ, քան 2021 թվականի հուլիս:

Այս համընդհանուր մառազմի ու ապուշության ֆոնին, այնուամենայնիվ, կարողացավ էլ ավելի մարազմատիկ երեւույթներով առանձնանալ սոցապ նախարար կոչեցյալը` Զարուհի Բաթոյանը: Սույն երեւույթը օրեր առաջ հայտարարեց, որ աշխատանքային հարցերով նախարարությունը զբաղվել չի կարող, եւ պաշտպանության համար խորհուրդ տվեց դիմել իր վերադասին, հայտնի սորոսական Սաքունցին: Թո՛ւ, էս պետության երեսին: Երեւում է Բաթոյանի երեսին այնքան թուք ու մուր լցվեց, որ այնուհետեւ նա հանեց իր այդ գրառումը: Պատկերացնո՞ւմ եք, ինչքան պետք է խեղճ ու անկարող լինի նախարար կոչեցյալը, որ մի բան գրի, հետո հանի: Է,՜ աղջիկ ջան, էդ նախարար լինելը քո խելքի բանը չի: Էդ էլ հո սեքսով զբաղվել-չզբաղվելու թեման չի՞:

Ա. Հովհաննիսյան

Այս թեմայով Ֆրանսիայում ոստիկանության և ցուցարարների միջև փողոցային ծանր բախումները չեն հանդարտվում (Տեսանյութ) Ե՞րբ է վահանձեւ գեղձի հանգույցը վտանգավոր ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել Ինչ պահանջով են առաջիկայում ակցիա իրականացնելու արցախահայերը. Փաստաբանը փակագծեր է բացում ՀՐԱՏԱՊ. Մագնիսական փոթորկի ալիքը կհարվածի երկրին այսօր