Ի՞նչ են արգելել Գերմանիայում և Անգլիայում, նոր զարգացումներ Աֆրիկայում

Կիրակի օրը ստացված տվյալների համաձայն, աշխարհում կորոնավիրուսով վարակվածների թիվը գերազանցել է 300 հազարը: Դրանցից 13 հազարը մահացել են, 92 հազարը՝ առողջացել, գրում է BBC-ի ռուսական ծառայությունը:

Կիրակի երեկոյան Գերմանիան խստացրել է կորոնավիրուսի համաճարակի դեմ պայքարի միջոցները: Քաղաքացիներին արգելվում է հավաքվել ավելի քան երկու հոգուց բաղկացած խմբերով`աշխատավայրերից և բնակելի շենքերից դուրս: Բացի այդ, իշխանությունները հրամայել են փակել բոլոր սրճարաններն ու ռեստորանները, սնունդ կարելի է պատվիրել միայն տնից, և կփակվեն նաև վարսահարդարման, մերսման և դաջվածքների սրահները: Գերմանիայի կանցլեր Անգելա Մերկելը որոշել է գնալ տնային կարանտինի այն բանից հետո, երբ ուրբաթ նրան պատվաստող բժշկի մոտ կորոնավիրուս է հայտնաբերվել:

Աֆրիկայում կորոնավիրուսով վարակման դեպքերի կտրուկ աճ է գրանցվել՝ 1.198 մարդ: Մինչ այժմ իրավիճակը Աֆրիկայի մայրցամաքում եղել է աշխարհի ամենաբարենպաստներից մեկը:

Բրիտանիայում և Իռլանդիայում McDonald's-ները փակում են կորոնավիրուսի պատճառով: Որպես հրաժեշտի ժեստ ՝ նախքան փակումը ռեստորանները անվճար բուրգերներ կտրամադրեն բժիշկներին և փրկարարներին: Բրիտանիայի իշխանությունները զգուշացնում են քաղաքացիներին, որ երկրում կորոնավիրուսի տարածումը մեծանում է: Անցած 24 ժամվա ընթացքում միայն Ուելսում մահացել է յոթ հիվանդ: Բժիշկները նշում են, որ նրան բոլորն էլ գտնվել են ռիսկային գոտում. ոմանք 70-ից ավելի տարեկան էին, ոմանք էլ տառապում էին քրոնիկ հիվանդություններով:

Ամբողջ երկրում վարակվածների ընդհանուր թիվը գերազանցել է 5 հազարը, իսկ զոհերի ընդհանուր թիվը մոտենում է 250-ին: Լոնդոնի քաղաքապետ Սադիկ Խանը հայտարարել է, որ մայրաքաղաքը գտնվում է առավել տագնապալի իրավիճակում ՝ 88 մահ: Նա ասել է, որ կցանկանար մետրոյի որոշ գծեր շարունակեին աշխատել, որպեսզի հիմնական արդյունաբերության աշխատողները`բժիշկները, հրշեջները, քաղաքային աշխատողները, կարողանան աշխատանքի անցնել: Քաղաքապետը բոլորին հորդորում է ձեռնպահ մնալ հասարակական տրանսպորտով երթևեկելուց:

Ֆրանսիայում կորոնավիրուսով վարակվածների թիվը գերազանցել է 16 հազարը, մահացել է 674 մարդ (113-ը ՝ վերջին օրվա ընթացքում): Երկրում հոսպիտալացվել է 7240 մարդ: Դրանցից 1746-ը ծանր վիճակում են, նրանք գտնվում են վերակենդանացման բաժանմունքում:

Ավստրալիայում փակվում են փաբերը, պանդոկները, ակումբները, կինոթատրոնները, խաղատները, եկեղեցիները և աղոթասրահները: Սրճարաններն ու ռեստորաններն անցնում են take away (վերցրու քեզ հետ) ռեժիմի: Դեռևս չի քննարկվում հանրապետության բոլոր դպրոցների փակումը, բայց որոշ շրջաններ հայտարարել են, որ կարող են տեղական մակարդակում այդպիսի որոշում կայացնել: Ավստրալիայում Covid-19-ով վարակվածների թիվը կտրուկ աճել է վերջին մի քանի օրերին և կազմում է 1315:

Իտալիան նոր տխուր ռեկորդ է սահմանել. երկրում վերջին օրվա ընթացքում 800 մարդ է մահացել: Իտալական Լոմբարդիայում, որտեղ ավելի քան 3000 մարդ արդեն մահացել է կորոնավիրուսից, այս օրվանից փողոցում ցանկացած գործունեություն արգելվում է:

Հնդկաստանը 14 ժամով պարետային ժամ է հայտարարել: Եթե սա էֆէկտիվ միջոց լինի, ապա իշխանությունները այն շարունակական կդարձնեն:

Թաիլանդում վարակվածների թիվը աճել է մեկ երրորդով և հասել 600 մարդու, դեպքերի մեծ մասը գրանցվել է Բանգկոկում: Բժիշկները զգուշացնում են, որ գուցե քաղաքը ստիպված լինեն կարանտինի մեջ դնել:

Հարավային Կորեայում, հակառակ կառավարության կոչերին ՝ ձեռնպահ մնալ զանգվածային հավաքույթներից, հարյուրավոր եկեղեցիներ անցկացրել են կիրակնօրյա ծառայություններ:

Ինդոնեզիայում սպորտային գյուղը, որը հատուկ կառուցվել էր 2008 թվականի Ասիական խաղերը կազմակերպելու համար, շտապ վերածվել է ավելի քան չորս հազար մահճակալ ունեցող ժամանակավոր հիվանդանոցի: Ինդոնեզիան բնակչության թվով աշխարհում չորրորդ տեղում է: Այստեղ պաշտոնապես գրանցվել է Covid-19 վարակի ավելի քան 500 դեպք, սակայն բժիշկները կարծում են, որ իրական ցուցանիշը շատ ավելին է:

Այս թեմայով Նոյեմբերի 1-ից անձը հաստատող փաստաթղթերի տրամադրման համակարգը կգործի նոր ձևաչափով․ ՆԳՆ ժամեր առաջ տեղեկատվական տեխնոլոգիաների ոլորտի մասնագետի է ինձ հետ կապ հաստատել, եւ փաստել, որ Ա.Հ-ն ուղարկել արհեստական բանականությամբ գեներացված իմ լուսանկարները, ինչպես նաև իմ հեռախոսահամարը ներառող կեղծ տեխնիկական տվյալներ է իրեն տրամադրել ԱՄՆ-ն առաջարկել է հոկտեմբերի վերջին Ռուսաստանի և Ուկրաինայի միջև նոր բանակցություններ անցկացնել Ինչ պահանջով են առաջիկայում ակցիա իրականացնելու արցախահայերը. Փաստաբանը փակագծեր է բացում Ռուսները նոր հարված են հասցրել Կիևի Հյուսիսային կամրջին։ (Տեսանյութ)