ՀԱՅԱՍՏԱՆՈՒՄ ՀԱՅՏԱՐԱՐՎԱ°Ծ Է ՀԱՄԱՃԱՐԱԿ. ՊԵՏԱԿԱՆ ԿԱՌՈՒՅՑՆԵՐԻՑ ՊԱՏԱՍԽԱՆ ՍՏԱՆԱԼ ՉԻ ՀԱՋՈՂՎՈՒՄ

Արդեն մի քանի օր է, ինչ Առողջապահության նախարարությունից փորձում ենք պարզել մեկ պարզ հարցի պատասխան՝ ո՞ր դեպքում է երկրում հայտարավում համաճարակ, եւ արդյո՞ք ներկայումս Հայաստանում պաշտոնապես համաճարակ հայտարարված է: Բայց նախարար Արսեն Թորոսյանի  մամլո խոսնակ Ալինա Նիկողոսյանի հետ շատ ավելի բարդ է կապվել, քան կառավարության պաշտոնյայի հետ: Խոսնակը, ով բյուրջեից է վարձատրվում եւ կոչված է հենց լրագրողների հարցերին պատասխանելու համար, լրագրողների (երեւի իր համար ոչ ցանկալի) հեռախոսազանգերին պատասխանել այդպես էլ չսովորեց:  Նույն հարցը այսօր առցանց եղանակով փորձեցինք ուղարկել արտակարգ դրություն հայտարարելուց հետո ստեղծված Հայկական միասնական տեղեկատվական կենտրոնին, որտեղ նախատեսված էր նախարար Արսեն Թորոսյանի մամլո ասուլիսը: Նկատենք, որ մեր հարցը, որն ի դեպ ընդունվել էր կենտրոնի կողմից, առաջիններից մեկն էր: Սակայն ո՛չ հարցը, ո՛չ էլ, բնականաբար, պատասխանը չհնչեց: Մի քանի տես ու ծանոթի հարցի պատասխանեցին, ու վերջ, «ժամանակ չկա» ասելով՝ հեռացան: Ճարահատյալ փորձեցինք կապվել պարետատան լրատվական բաժնի հետ: Ի վերջո, այս կառույցն է արտակարգ դրության «տերը», եւ ինքն էլ պետք է բացատրի՝ ինչու է այս վիճակը, որ խոսքի սահմանափակում են մտցնում, իսկ դրանից լրատվամիջոցների հետ աշխատելու օպերատիվությունը մնում է նույն խայտառակ վիճակում: Այսինքն` լրատվամիջոցին պարզելու հնարավորություն չեն տալիս, հետո էլ մեղադրում, թե «խուճապ եք առաջացնում»: Պարետի գրասենյակից, սակայն, մեզ պատասխանեցին, որ հարցը տրվել նախարարի խոսնակին, ով ասուլիսի ընթացքում պետք է հնչեցներ նաեւ մեր հարցը: Բայց թե ինչու չի հնչեցվել, պարետատան լրատվականից Անին, խուսափեց պատասխանից՝ ասելով, որ կապվենք նախարարի խոսնակի հետ եւ իրենից պարզենք: Իսկ նախարարի խոսնակի հետ կապվելը, ինչպես նշել էինք, ընդամենը ժամանակի վատնում է, քանի որ վերջինս մեր բազում զանգերը անպատասխան թողեց: Այսպիսով, Հայաստանում հայտարավա՞ծ է համաճարակ: Եթե այո, ե՞րբ եւ ի՞նչ մասնագիտական ցուցանիշներից ելնելով: Հարցը ստիպված ենք հրապարակավ ուղղել ՀՀ առողջապահության նախարար Արսեն Թորոսյանին, արտակարգ դրության պարետին եւ վարչապետին. ով կցանկանա` թող բացատրի:

ԻԼՈՆԱ ԱԶԱՐՅԱՆ

Այս թեմայով Դաժե ձեր մեռնելուց հետո ձերոնք ձեզնից «քյար» չեն ունենա․ ԶԱՐՄԱՆՔ 200 հազար դրամից ցածր աշխատավարձ ստացողները ներգրավվելու են ապահովագրության համակարգում. Թորոսյան Նվազագույն կենսաթոշակը կբարձրանա՝ դառնալով 47 հազար դրամ. սոցփաթեթի ծրագիրը հունվարից կավարտվի. Թորոսյան Թաղման նպաստները կստանան միայն անապահովները, կենսաթոշակը 1000 դրամով կբարձրանա. Արսեն Թորոսյան Տեր Աստված, ներիր խոսքերիս համար, բայց սրանք ուզում են մեր տղեքին սարքեն անհիշատակ մեռել․ Ղուկասյան