«Հանրության պառակտվածությունը շատ վտանգավոր է Արցախի համար» (Տեսանյութ)

Արցախում իրավիճակը բավականին լարված է, որը բոլորովին կապ չունի ո՛չ հայաստանյան արտակարգ դրության, ո՛չ էլ վիրուսային մտահոգությունների հետ. նախագահական ընտրություններին մնացել է գրեթե մեկ շաբաթ: Այս օրերին քարոզարշավն ուղեկցվում է միջադեպերով, անգամ փողոցներ են փակում ու մարդկանց սպառնում: Այս ամենն ի՞նչ ազդեցություն կարող է ունենալ, հատկապես, որ անկախ ամեն ինչից, այժմ Հայաստանի ու Ադրբեջանի ուշադրության կենտրոնում Արցախի նախագահական ընտրություններն են, «Իրավունքը» հետաքրքրվեց ադրբեջանագետ ԱՆԺԵԼԱ ԷԼԻԲԵԳՈՎԱՅԻՑ:

- Կարծում եմ` Ադրբեջանի համար այդքան էլ կարեւոր չէ, թե ով է ղեկավարելու Արցախը, որքան կարեւոր է բռնացնել այն պահը, երբ հանրության պառակտվածությունը կհասնի իր գագաթնակետին: Իսկ այդ պառակտվածությունն ավելի չխորացնելու համար` նաեւ ես եւ շատերը, ովքեր այդ հարցին վերաբերվում են շատ նուրբ եւ զգույշ, հնարավորինս զերծ ենք մնում որեւէ մեկնաբանությունից: Արցախի Հանրապետության քաղաքացիները պետք է իրենց ապագան որոշեն, եւ ես չեմ, կամ Հայաստանից որեւէ մեկը չէ, որ պետք է իրենց այդ հարցում ուղղորդի: Սա իրենց որոշումն է, իրենց ընտրությունն է եւ իրենց ընտրապայքարն է: Նպաստել հասարակության պառակտվածության խորացմանը, շատ վտանգավոր է Արցախի համար: Եթե Հայաստանում անընդհատ սեւերի ու սպիտակների բաժանումը, ատելության գեներացիան հանրության մեջ վտանգավոր էր, բայց այդպես զտված, փոքր տարածքի վրա լոկալիզացված չէր, ինչպես` Արցախում: Այնտեղ գրեթե բոլորը բոլորին գիտեն` միմյանց բարեկամ են, հարեւան, ծանոթ, գործընկեր, եւ նման պառակտվածությունը կարող է շատ ծանր նստել բոլորի վրա: Դրանից պետք է խուսափել եւ առաջին հերթին` չսադրել: Մարդ պետք է բացարձակ գիտակից չլինի, որ փորձի հրահրել իրավիճակն Արցախում:

ՀՐԱՆՏ ՍԱՐԱՖՅԱՆ

Հ.Գ. - Հարցազրույցն ամբողջությամբ դիտեք տեսանյութում. 

Այս թեմայով Էդ քարտեզը ՊԲ-ի շտաբից ո՞նց հասավ ադրբեջանցիքի մոտ, ամենաբարձր մակարդակի վրա է եղել դավաճանությունը Ցույցեր Ստամբուլում Ադրբեջանի հյուպատոսարանի առջև «Իրավունք». ԲՀԿ-ից՝ «Հանրապետություն». Համայնքի ղեկավարի թեկնածուի քաղաքական սալդոն Ադրբեջանական կողմը հաստատում է՝ իրենց անհետացած զինծառայողը Հայաստանում է Մտորումներ Վալենտին Օսկոցկու եւ հայկական Ղարաբաղի կրկնվող ողբերգության մասին