Իրանը միջազգային հանրությանը խնդրել է ԱՄՆ-ից պահանջել չեղարկել Թեհրանի դեմ պատժամիջոցները

Իրանը միջազգային հանրությանը խնդրել է կոչ անել ԱՄՆ-ին չեղարկել պատժամիջոցները, որոնք  Թեհրանին խանգարում են կորոնավիրուսի դեմ պայքարում: Այս մասին տեղեկացնում է РИА Новости գործակալությունը` հղում անելով ՄԱԿ-ում Իրանի մշտական ներկայացուցչության տարածած հաղորդագրությանը:

«ԱՄՆ-ի անմարդկային և ապօրինի պատժամիջոցները խանգարում են կանխել կորոնավիրուսի հետագա տարածումը, այդ թվում նաև այլ երկրներում, վնաս են հասցնում իրանցիների և այլ երկրների կյանքին և առողջությանը: Այլ կերպ ասած, ԱՄՆ-ն փորձում են երկրի ներսում քննարկել վարակը, սակայն դրան զուգահեռ նպաստում է վարակի տարածմանն արտասահմանում՝ տուժած երկրների մասնագետներին խանգարելով պայքարել համաճարակի դեմ:

Իրանի Իսլամական Հանրապետությունն արել է և անելու է ամեն բան, որպեսզի կանխի այս վարակի տարածումը: Չնայած որ Իրանը տնտեսապես աղքատ չէ և մասնագիտականորեն էլ թույլ չէ, ԱՄՆ-ի պատժամիջոցները գործնականում անհնարին են դարձնում իրանցիների համար անհրաժեշտ դեղորայքի ներկրումը, ինչը լրջորեն խաթարում է այս հիվանդության դեմ պայքարում մեր ազգային ջանքերը»,-ասված է փաստաթղթում:

Հաղորդագրության մեջ ասվում է նաև, որ այսպես կոչված հատուկ մեխանիզմը, որը թույլ է տալիս Իրանին դեղորայք ներմուծել, ստեղծված իրավիճակում չի բավարարում երկրի պահանջներին և կենսունակ չէ, քանի որ բախվում է ԱՄՆ պատժամիջոցների հետ կապված այլ խոչընդոտների:

Այս թեմայով Թրամփը մեղադրում է Ուկրաինային ոչ միայն ԱՄՆ-ում, այլ ամբողջ աշխարհում բենզինի գների բարձրացման համար ԱՄՆ–ն չի բացառում Կիևում իր դեսպանատան էվակուացիան Bloomberg. ՆԱՏՕ-ն մշակում է Ռուսաստանի դեմ «արագ հաղթանակի» ռազմավարություն Ինչպե՞ս կարձագանքի Իրանը ԱՄՆ-ի ցամաքային հարձակման. Իրանցի գեներալ ԱՄՆ-ն ստիպված էր իր բոլոր ստրատեգիական ռմբակոծիչները դուրս է բերել Բրիտանիայի ռազմաբազայից