Բենզինն էժանանում է. «Ժողովուրդ»

«Այս տարվա մարտի 16-ի տվյալներով՝ աշխարհում բենզինի միջին գինը կազմել է 1.04 դոլար: Երեկ «Ժողովուրդ» օրաթերթը արձանագրեց, որ բենզինի եւ դիզելային վառելիքի գները եւս 10 դրամով նվազել են: Հայաստանյան որոշ բենզալցակայաններում ռեգուլյար տեսակի բենզինի մեկ լիտրը վաճառվում է 380 դրամով, պրեմիումը՝ 400 դրամով:

Պատճառը նավթի գների անկումն է, որն էլ հանգեցրել է բենզինի եւ դիզվառելիքի էժանացման: Այս ամենի արդյունքում հայաստանցիներն են շահել։ Բայց, մյուս կողմից, նկատենք, որ բենզինի գինը չի կարող նվազել այնպես, ինչպես նավթի գինը, քանի որ բենզինի գնագոյացման մեջ նավթի գնի ազդեցությունը փոքր տոկոս է կազմում:

Նկատենք, որ Եվրասիական տնտեսական միության անդամ երկրներում, որի անդամ է հանդիսանում նաեւ Հայաստանը, բենզինը վաճառվում է գնային զգալի տարբերությամբ: Դե, բնականաբար, համեմատած ԵՏՄ անդամ մյուս երկրների հետ՝ բենզինը ամենաբարձր գինն ունի Հայաստանում:

Նշենք, որ Ղազախստանում մարտի 16-ի դրությամբ բենզինի մեկ լիտրի միջին գինը կազմել է 196 դրամ, Բելառուսում բենզինի մեկ լիտրի միջին գինը կազմել է 377 դրամ, Ռուսաստանում՝ 300 դրամ, իսկ Ղրղզստանում բենզինի միջին գինը կազմել է մոտ 294 դրամ»:

Առավել մանրամասն՝ թերթի այսօրվա համարում

Այս թեմայով «Ժողովուրդ». Ինչ վիճակ է ԱԱԾ մեկուսարանում․ Ռոբերտ Քոչարյանը՝ մի քանի քառակուսի մետրում, քրեական հեղինակությունները՝ նույն խցերում «Ժողովուրդ». Հնարավոր արտահերթ ընտրութունների մասին Փաշինյանի հայտարարությունը իշխանության ներսում լուրջ անհանգստություն է առաջացրել «Ժողովուրդ». ՀԷՑ-ի խոշոր վթարի պատճառը հին տրանսֆորմատո՞րն է ՀՐԱՏԱՊ. Գեւորգ Սուջյանը զգուշացնում է Եթե նախկինում բենզինի 90 և դիզվառելիքի 56 տոկոսը Հայաստան էր գալիս ՌԴ-ից, ապա այսօր ՌԴ-ն այլևս մեր երկրի հիմնական մատակարարը չէ. Տնտեսագետը փակագծեր է բացում