​​​​​​​«Ես «կնոպկա սեղմող» չեմ, չեմ պատրաստվում մասնակից դառնալ անօրինական եւ անտրամաբանական գործընթացների»

Այսօր տեղի է ունեցել ԵՊՀ հոգաբարձուների խորհրդի՝ հարցման կարգով նիստ: Այս մասին տեղեկացնում է ԵՊՀ ուսանողական խորհրդի նախագահ, ԵՊՀ հոգաբարձուների խորհրդի անդամ ԴԱՎԻԹ ԱՓՈՅԱՆԸ եւ մանրամասնում. «Այս նախադասությունը կարող էի գրել նաեւ չակերտների մեջ, քանի որ նամակներով նիստ անցկացնել պարզապես հնարավոր չէ: Հարցման կարգով կարող են իրականացվել միայն նիստեր հրավիրելու աշխատանքները, բայց ոչ բուն նիստը: Սա անօրինական է, քանի որ խախտվում է օրենքով սահմանված «նիստ» հասկացությունը: Էլ չասեմ, որ Խորհրդի անդամները զրկվում են քվեարկության ենթակա հարցերը քննարկելու հնարավորությունից: Այսօրվա «նիստի» օրակարգում էին այնպիսի հարցեր, ինչպիսիք են 2018-2019 ուստարվա կատարողականի հաստատումը, եկամուտների եւ ծախսերի նախահաշվի հաղորդումը եւ այլն: Համաձայնվեք, որ անկարեւոր հարցերը չէին դրված օրակարգում: Սրանից կարեւոր էլ ի՞նչ հարց կարող է լինել Խորհրդի համար: Եթե հիշում եք, ժամանակին էլ փորձում էին նամակներով լուծարել Ուսանողների հետ տարվող աշխատանքների կենտրոնը: Ինչպես այն ժամանակ, այնպես էլ հիմա քվեարկությանը չեմ մասնակցել: Ես «կնոպկա սեղմող» չեմ: Չեմ պատրաստվում մասնակից դառնալ անօրինական եւ անտրամաբանական գործընթացների:

Նիստը մեյլերով անցկացնելու հիմնական պատճառը վստահաբար այն է, որ Խորհրդի անդամների կեսից ավելիի ներկայությունը դժվար է ապահովել: Բայց եթե Խորհրդի անդամները ժամանակ չունեն Խորհրդի նիստերին մասնակցելու համար, ապա ի՞նչ տրամաբանությամբ է նրանց տրվում բուհի ամենակարեւոր հարցերը լուծելու իրավունքը:

Անհանգստացնողն այն է, ԵՊՀ-ն գտնվում է մի շատ կարեւոր շրջափուլում: Առջեւում ռեկտորի ընտրություններն են, որով պետք է ավարտվի այս երկարատեւ անցումային շրջանը: Բայց մի՞թե այդ կարեւորագույն հարցերը վստահվելու է ԵՊՀ-ի համար ժամանակ չունեցող մարդկանց: Գուցե ընտրությունն էլ մեյլերով իրականացնեն»:

Այս թեմայով Ամփոփվել են հոկտեմբերի 25-ի ՏԻՄ ընտրություններին կուսակցությունների և դաշինքների առաջադրումները Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է