«ՆՄԱՆ ԽԱՅՏԱՌԱԿՈՒԹՅՈՒՆ ՈՉ ՄԻ ԱԴՐԲԵՋԱՆՑԻ ՉԷՐ ԿԱՐՈՂ ԱՆԳԱՄ ԵՐԱԶԵԼ»

ՀՀ երկրորդ նախագահ Ռոբերտ Քոչարյանի եւ երրորդ նախագահ Սերժ Սարգսյանի դեմ առաջադրված քրգործերով դատավարությունները երկուսն էլ երեկ էին: Արցախյան պատերազմի մասնակից, ռազմական-քաղաքական գործիչ ԳԵՎՈՐԳ ԳԵՎՈՐԳՅԱՆԻ կարծիքով` նման խայտառակություն, որ կարող էր սպասելի լինել Հայաստանում, երեւի, ոչ մի ադրբեջանցի չէր կարող անգամ երազել, որովհետեւ Հայաստանում հայտնվեց մի իշխանություն, ով հերոս Զորավար Անդրանիկի ծննդյան օրը, Խոջալուի ազատագրման օրը շինծու գործերով դատարանի առաջ կանգնեցրեց Արցախի երկու հերոսի` ՀՀ երկու նախագահների, որոնք անմիջական մասնակցություն են ունեցել արցախյան ազատագրական պայքարին:

- Վստահ եմ, որ Ադրբեջանում մի լավ քեֆ է, ու այդ քեֆը կարող էին միայն իրենց նվիրել այսօրվա իշխանությունը` ի դեմս Նիկոլ Փաշինյանի, ով կարող էր դատարանի առաջ կանգնեցնել երկու հերոսի: Սա իրականում խայտառակություն է, եւ այս ամենը, կարծես, դիտավորյալ նախապատրաստված լինի: Չգիտեմ` այս ամենով վերջն ինչի են ուզում հասնել, բայց տեսնում ենք, որ մեր երկիրը կոնկրետ գնում է կործանման: Սա աղետ է: Վստահ եմ, որ այս գործընթացները, ինչ հիմա տեղի են ունենում, առաջին հերթին Արցախի նախագահական ընտրություններից շեղելու, միեւնույն ժամանակ, Սահմանադրական դատարանի դեմ իրականացվող հանցավոր քայլերը կոծկելու համար է: Այսօր դատարանի առաջ են կանգնած այն  նախագահները, որոնք ասում են` Արցախը չի լինելու Ադրբեջանի կազմում, իսկ ՀՀ գործող վարչապետը երբեք նման բան չի ասել, չի ասում ու չի ասելու եւ դատում է նրանց, ովքեր ասում են: Ավելին` կդատապարտվեն բոլոր նրանք, ովքեր պայքարել են, պայքարում են մեր երկրի պետականության համար: Սա շատ կարեւոր մեսիջ է, որպեսզի մեր քաղաքացիները հասկանան, որ այն, ինչ կատարվում է հիմա, անթույլատրելի է: Այս ամենը Հայաստանի Հանրապետության, հայ ժողովրդի օգտին չէ: Այն, ինչ տեղի է ունենում, հակառակ է մեր աշխարհընկալմանը եւ մեր ազգային պայքարի ոգուն:

ՀՐԱՆՏ ՍԱՐԱՖՅԱՆ

Այս թեմայով Ինչ ոջիլ է կծել Աննա Հակոբյանին На обижанних воду возят. ԸՆԿԵՐ ՓԱՆՋՈՒՆԻ Չի՛ կարելի մոռանալ սեփական պատմությունը և սխրանքները. Լավրովը՝ Փաշինյանի՝ «իրական Հայաստանի» մասին Փաշինյանի եղբորորդին նոր բիզնես է սկսել Ուկրաինայում եւ անշարժ գույք ձեռք բերել. «Հետք» «Հրապարակ». Նիկոլ Փաշինյանը բոլոր պատգամավորների դեմ կոմպրոմատների թղթապանակներ է պատրաստում