««Օդնոկլասնիկ» սոցիալական ցանցը շատ ավելի ավելի վտանգավոր է կիբեռհանցագործության առումով, քան այլ սոցցանցեր»

«Մինանշանակ, հաշվի առնելով իմ փորձը կարող եմ վստահաբար ասել,որ «Օդնոկլասնիկ» սոցիալական ցանցը շատ ավելի վտանգավոր է կիբեռհանցագործության առումով, քան այլ սոցցանցեր, որովհետեւ մարդիկ այնտեղ շատ ավելի անձնական շփումներ են փնտրում: Տեսեք, նույն մարդը կարող է «Օդնոկլասնիկ»-ում ավելի ինտիմ բնույթի շփումներ հաստատի, բայց ֆեյսբուքում քննարկի շատ ավելի լուրջ խնդիրներ»,- անդրադառնալով սոցցանցերում այսօր կատարվող հանցագործություններին, iravunk.com-ի թղթակցի հետ զրույցում ասաց, Տեղեկատվական տեխնոլոգիաների անվտանգության փորձագետ ՍԱՄՎԵԼ ՄԱՐՏԻՐՈՍՅԱՆԸ:Միառժամանակ հավելելով.

-  Կիբեռհանցագործության ենթարկվելու վտանգը շատ մեծ է նաեւ «Սկայպում»: Այսինքն, եթե ընդհանրացնենք կարող ենք հանգել հետեւյալ եզրակացությանը. այն ոլորտներում, որտեղ ավելի շփումների մեծ մասը անձնական բնույթ են կրում, այստեղ կիբեռհանցագործության ռիսկը շատ ավելի մեծ է: 

- Պարոն Մարտիրոսյան, վերջերս շատ են դեպքերը, երբ ինչ-ինչ ձեւով օգտագտերերից մեկին հասանելի է դարնում մյուսի անձնական նամակագրությունը այլ օգտատիրոջ հետ, եւ վերջինս այն հրապարակում է, դա քրեորեն պատժելի արարք չէ՞:
- Իհարկե հանցագործություն է,եւ ընդ որում քրեորեն պատժելի, բայց ցավն այն է, որ շատերը չեն պատկերացնում, որ դա հանցագործություն է: Տեսեք, գրեթե ամեն օր լսում ենք պրոֆիլ կոտրելու, անձնական նամակներ հրապարակելու մասին, բայց շատերի համար` դա ծիծաղելի է, եւ շատ-շատերը չեն էլ պատկերացնում, որ նրանք կիբեռհանցագործության զոհ են, իսկ ուրիշի անձնական նամակագրությունը ոչ միայն հրապարակելը, այլ նաեւ կարդալը քրեորեն պատժելի է եւ օրենքի լուրջ խախտում է: 
- Անընդհատ խոսվում է տեղեկատվական անվտանգության մասին, բայց, ինչպես Դուք նշեցիք, գրեթե ամեն օր լսում ենք նմանատիպ դեպքերի մասին: Ի՞նչ պետք է անել այս ուղղությամբ:
- Մարդկանց կրթել է պետք, մարդիկ պետք է իմանան, թե ոնց օգտվեն համակարգչային միջոցներից, համաձայնեք, որ այսօր շատերը միայն համակարգիչ միացնել-անջատել գիտեն, եւ ինչ-որ մի կոճակ, որով մուտք են գործում «Օդնոկլասնիկ»: Երկրորդը, պետք է տեղեկացնել, պատմել ինտերնետ տիրույթում գործող վտանգների մասին, եւ երրորդը, թե ինչպես պետք է խուսափել: Չպետք է ամեն մեկը իր դառը փորձով կրթվի, դա սխալ է, այդպես դարեր կանցնեն:

Հ.Գ. Վերջին շրջանում բանկային քարտերի հետ կապված կիբեռհանցագործությունների եւ, թե ովքեր են դրանց հետևում զրույցն ամբողջությամբ կարդացեք «Իրավունքի» թերթի  ուրբաթ օրվա տպագիր համարում:

ԻԼՈՆԱ ԱԶԱՐՅԱՆ

Այս թեմայով Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան Ավելի հարմար օր դժվա՞ր էր գտնել․ ԶԱՐՄԱՆՔ Մենք այս պետությանը պետք չենք․ Անահիտ Մարտիրոսյան Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ