Տարիներ առաջ գոռում էին տեռորիստի փաստաբան, բայց պարզվեց դա այդպես չէ. Լեւոն Բաղդասարյան

iravunk.com-ը Դատալեքսից տեղեկացավ, որ այսօր տեղի է ունենալու Նորք-Մարաշի 2015 թվականին տեղի ունեցած արդեն քաղաքացիական գործով դատական նիստ, իսկ պահանջըՙ ընդդեմ ԱԱԾ-ի եւ ոստիկանության զինված խմբի ղեկավար Արթուր Վարդանյանի պատվի, արժանապատվության հետ կապված: Սույն դատական գործի վերաբերյալ դիմեցինք Ա. Վարդանյանի շահերի պաշտպան ԼԵՎՈՆ ԲԱՂԴԱՍԱՐՅԱՆԻՆ:

- Հիշեցնեմ, որ դեռեւս 2015 թվականին, ՀՀ երրորդ նախագահ Սերժ Սարգսյանը ազգային անվտանգության խորհրդի նիստ անցկացրեց, որից հետո այն ժամանակվա ԱԱԾ պետ Գորիկ Հակոբյանը հայտարարեց, որ ձերբակալվել է տեռորիստական խումբ, որոնք պետք է տեռորիստական ակտեր իրականացնեին մեր երկրում: Այնուհետ հեռուստատեսությամբ մի քանի շաբաթ շարունակ տեսաերիզներ պտտվեցին, թե ինչպես են այդ խմբին բռնել, զենքերով, իսկ որպես խմբի ղեկավար ներկայացրեցին Արթուր Վարդանյանին, ում կարծես միտումնավոր կերպով նկարել էին կիսամերկ եւ երկար պահելով ցրտի մեջ: Դրանից հետո գտանք, որ այդ տեսարանները ցուցադրելով առկա է անձի պատվի եւ արժանապատվության խախտման հարց իմ աշտպանյալի նկատմամբ, բայց դատական մարմինները այնքան էին սարսափած գործադիր մարմնից, որ անգամ հայցադիմումը վարույթ չընդունեցին:

Դրանից հետո, օրենքով սահմանված կարգով բողոք ներկայացվեց իմ կողմից եւ վերաքննիչ դատարանը պարտադրեց, որպեսզի այդ գործը վարույթ ընդունվի: Այնուհետ նախագահող դատավոր Հայարփի Զարգարյանը ոչ միայն հայցը մերժեց, այլեւ դիմեց փաստաբանների պալատին, որպեսզի իմ նկատմամաբ կարգապահական  վարույթ հարուցեին, որը իրավամբ մերժվեց պալատի կողմից, որը եւս բողոքարկվեց վերաքննիչ դատարան: Գործը բեկանվեց իրավամբ դատավարական հիմքով եւ ուղարկվեց ստորադաս դատարան: Իսկ այսօր, գործը բեկանելուց հետո, առաջին դատական նիստն էր եւ այդ ծանր գործառույթը, որը իրագործվել է փաստաբանի կողմից, երեւում է արդեն այն նույն համակարգը, որը շարունակվում է մինչեւ հիմա, թե շատ գործերում ինչպես էին իրակաացնում ընտրովի արդարադատություն: Երկրում պետք է ձեւավորվի մշակույթ, որ յուրաքանչյուրը պետք է գիտակցի, որ օրենքով նախատեսված գործառույթները պետք է լինի օրենքի սահմաններում: Լիահույս եմ, որ այս պարագայում կարեւոր չէ, թե ում է վերաբերում գործը այլ կարեւոր է, որ այդ մշակույթը ձեւավորվի: Տարիներ առաջ գոռում էին տեռորիստի փաստաբան, տեռորիստական խումբ են բռնել, բայց պարզվեց, որ դա այդպես չէ եւ քրեական գործում նման մեղադրանք առաջադրված չէ եւ այն ինչ տեղի ունեցավ այն ժամանակ ԱԱԾ-ի եւ ոստիկանության կողմից, իրավաչափ չէ եւ այս քաղաքացիական գործով եւ իրավունքի հարթությամբ փորձելու ենք ունենալ արդարադատություն, որի դատական ակտը կարծում եմ պետք է լինի իրավաչափ եւ հեղինակավոր:

Ա. ՀԱԿՈԲՅԱՆ

Այս թեմայով ՇՏԱՊ. Քիչ առաջ պտտահողմ է դիտվել Սևանա լճի վրա․ Գագիկ Սուրենյան 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Քիչ առաջ ձերբակալել են նախկին վարչապետ Հովիկ Աբրահամյանի եղբորը․ ArmLur.am Կենդանակերպի այս նշանները սեպտեմբերի վերջից առաջ երկար սպասված առաջընթաց կապրեն Նախկին վարչապետի ընտանիքը սգում է