Իմքայլական պատգամավորն ընդունեց` նախկինում հսկայական աշխատանք է կատարվել (Տեսանյութ)

Թբիլիսիում տեղի ունեցած Եվրանեսթ ԽՎ-ի ութերորդ նստաշրջանի աշխատանքների մասին երեկ ամփոփիչ ասուլիսով հանդես եկան վեհաժողովում ՀՀ ԱԺ պատվիրակության ղեկավար Գայանե Աբրահամյանը եւ պատվիրակության մյուս անդամները: Իմքայլական պատգամավորները խոսեցին, թե ինչ հաջողություններ են ունեցել, ինչպես են առաջ մղել հայանպաստ բանաձեւեր, ինչպես են հակադարձել ադրբեջանցի պատվիրակներին եւ չեզոքացրել հակահայկական վտանգները, այսինքն` այն, ինչ տարիներ շարունակ հայաստանյան պատվիրակության կողմից արվել է Եվրանեսթում, երբ պատվիրակության ղեկավարն էր ԱԺ վեցերորդ գումարման արտաքին հարաբերությունների մշտական հանձնաժողովի նախագահ Արմեն Աշոտյանը: Այս դեպքում` ի՞նչն էր աննախադեպ այս անգամ եւ ընդհանրապես` ի՞նչ ժառանգություն են Եվրանեսթում ստացել այսօրվա իշխանությունները նախորդներից, «Իրավունքը» հետաքրքրվեց հենց ԳԱՅԱՆԵ ԱԲՐԱՀԱՄՅԱՆԻՑ:

- Նախկին կապերի եւ իրականացված աշխատանքի մասով մենք գրեթե ժառանագություն չենք ստացել` ոչ թե այն մասով, որ աշխատանք չի արվել, հսկայական աշխատանք է արվել, եւ որեւէ կերպ չեմ կարող նսեմացնել այդ իրականացված աշխատանքը: Նախկինում եւս հսկայական աշխատանք է տարվել: Տարբերությունն այն է, որ Եվրապառլամենտը մեծապես փոխվել է, գրեթե 60 տոկոսը հիմա նոր պատգամավորներ են, որոնց հետ զրույց ու աշխատանք պետք է տարվի: Այս առումով ես ուզում եմ շեշտադրել, որ այն մեղադրանքները, որ հաճախ ասում են, թե գործուղումները շատ են, իրականում մենք զրոյից աշխատանք են տանում:

– Տիկին Աբրահամյան, վարչապետ Նիկոլ Փաշինյանն ասում էր, որ Ձեր քաղաքական ուժը իզմեր, այսինքն` գաղափարախոսություն չունի, այս դեպքում` «Քաղաքացիական պայմանագիրը» նախատեսո՞ւմ է անդամակցել եվրոպական որեւէ քաղաքական ընտանիքի, ինչպես օրինակ, ՀՀԿ-ն եւ «Ժառանգությունը»:

– Իզմերը, բնականաբար, չեն կարող որեւէ առնչություն ունենալ քաղաքական խմբակցությունների հետ, որոնք այսօր գործում են Եվրախորհրդարանում, քանի որ ընդհանուր գիտեն իրենց գաղափարախոսությունը եւ մոտեցումը քաղաքական բազմաթիվ հարցերի վերաբերյալ: Այո, որոշակի գործընթացներ արդեն իսկ գնում են: Մենք առայժմ որոշակի հապաղում ունենք, քանի որ ուզում ենք հասկանալ, թե ի վերջո, իրապես որ ընտանիքի հետ է, որ սերտորեն պետք է համագործակցենք: ՀՀԿ-ն ու «Ժառանգությունը», կարծեմ` դեռեւս ասոցացված անդամներ են: Այս պահին փորձում ենք հասկանալ, թե որ ընտանիքն է, որը մեզ հայաստանյան շահը առաջ մղելու հնարավորություն կտա:

– Դուք խոսում եք հայաստանյան շահի մասին, բայց նույն այդ քաղաքական ընտանիքներն ունեն գաղափարական հենք: Չե՞ք կարծում, որ բացի շահից, պետք է առաջնորդվեք նրանով, թե որն է Ձեր քաղաքական ուժին գաղափարապես ավելի հոգեհարազատ, որպեսզի նրանք էլ չմերժեն ու ընդունեն իրենց ընտանիքում:

– Կարծում եմ` այստեղ կարեւորը, ոչ այնքան գաղափարախոսությունն է, այլ այն պատգամավորների խումբը, որոնք ազդեցիկ են եւ կարող ենք իրենց միջոցով առաջ մղել հայաստանյան եւ հայկական  շահը: Սա իսկապես շատ կարեւոր է:

ՀՐԱՆՏ ՍԱՐԱՖՅԱՆ

Հ.Գ.- Մանրամասները դիտեք տեսանյութում. 

Այս թեմայով Ադրբեջանական ագրեսիայի հետևանքով Արցախն ունեցել է 220-ից ավելի զոհ Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ Դե ԱԳՆ-ն փակե՛ք, Միրզոյանն ասում ա՝ Մատենադարանի տնօրենը Հաջիևի պատասխանը տվել ա․ Աբրահամյան Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան