Մահացել է ՌԴ վաստակավոր արտիստուհի Եկատերինա Դուրովան

Տևական հիվանդությունից հետո 60 տարեկանում մահացել է ՌԴ վաստակավոր արտիստուհի Եկատերինա Դուրովան. ТАСС-ին հայտնել է Մալայա Բրոննայայի թատրոնի մամուլի քարտուղար Մարիա Մալկինան:

«Եկատերինա Լվովնան մահացել է ծանր և երկարատև հիվանդությունից հետո»,- ասել է գործակալության զրուցակիցը՝ հավելելով, որ հուղարկավորության օրն ու վայրը կհայտարարվեն ավելի ուշ:

Դուրովան ծնվել է 1959 թվականին Մոսկվայում դերասան Լև Դուրովի ընտանիքում: 1980-ին ավարտել է Անատոլի Լունաչարսկու անվան Ռուսաստանի թատերական արվեստի ինստիտուտը: 1980 թվականից մինչև 1984 թվականը ծառայել է Տագանկայի թատրոնում: 

1984 թվականից Մալայա Բրոննայա թատրոնի դերասանուհի էր:

Եկատերինա Դուրովան նաև հայտնի է կինոյում ստեղծած գործերով: Դերասանուհին խաղացել է «Վիսոցկի: Շնորհակալություն, որ ողջ ես», «Երկրպագուն», «Յուրայի օրը» կինոժապավեններում և  տասնյակ այլ ֆիլմերում:

Այս թեմայով Նախկին վարչապետի ընտանիքը սգում է Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին Հիվանդանոցում մահացել է Ֆրանսիայում 7000 մարդ է մահացել շոգի պատճառով ՀՐԱՏԱՊ. Ավտոբուսը շրջվել է, 5 մարդ մահացել է