Պուտինը Գերմանիայից ժամանած գործարարների հետ հանդիպման ժամանակ գերմաներեն է խոսել

Ռուսաստանի Դաշնության նախագահ Վլադիմիր Պուտինը Սոչիում Գերմանիայի Դաշնային Հանրապետությունից ժամանած գործարարների հետ գերմաներեն է խոսել, հայտնում է «ՌԻԱ Նովոստի» գործակալությունը:

Երբ ՌԴ առաջնորդը սկսել է իր բացման խոսքը, մասնակիցներից մեկի մոտ համաժամանակյա թարգմանության հետ կապված խնդիր է առաջացել: Վերջինս դիմել է նախագահին, որն էլ արագ արձագանքել է` անցնելով գերմաներենին:

«Ոչինչ, հետո…Ոչ մի հետաքրքիր բան չեմ ասի»,- գերմաներենով կատակել է նախագահը: Փոքր-ինչ սպասելուց հետո, նա կրկին արդեն ռուսերենով շարունակել է բացման ելույթի խոսքը:

Ելույթի հենց սկզբում Պուտինը գերմաներեն է խոսել նաև հանդիպման մասնակիցներից մեկի հետ:

Հիշեցնենք, որ հանդիպման ընթացքում կողմերը հույս են հայտնել, որ Փարիզում դեկտեմբերի 9-ին նշանակված «նորմանդական քառյակ» ձևաչափով հանդիպումով Ուկրաինան կմոտենա խաղաղության հաստատմանը, և ԵՄ-ն կչեղարկի Ռուսաստանի դեմ պատժամիջոցները: Հանդիպման ընթացքում ՌԴ նախագահը շոշափել է նաև «Հյուսիսային հոսք-2» գազատարի թեման:

Այս թեմայով Աշակերտները նկարել են, թե ինչպես է ուսուցիչը դասի ժամանակ ծեծում 8-րդ դասարանցուն Արևմուտքում խոսել են Մակրոնի և Գերմանիայի ապագա կանցլերի «մեղրամսի» մասին Պուտինը մեկնաբանել է մայիսի 9-ին Մոսկվա ժամանող հյուրերի հասցեին ԵՄ-ի սպառնալիքները Պուտինը ստորագրել է Իրանի հետ գործընկերության համաձայնագիրը վավերացնող օրենքը Պուտինը Զատկի զինադադարը երկարաձգելու հրաման չի տվել. Պեսկով