«Մի՛ ենթարկվեք նման ինֆորմացիոն միտումնավոր բռնության». քաղաքագետ (Տեսանյութ)

Լրագրող ԼՈՒՍԻ ՔՈՉԱՐՅԱՆԸ, որը վերջին մեկ շաբաթում առավել հայտնի դարձավ սոցցանցում բռնաբարությունների մասին տարբեր անանուն պատմությունների հրապարակմամբ, օրերս հայտնվել էր ո՛չ ավել, ո՛չ պակաս Հանրային հեռուստաընկերությունում: Հանրայինի եթերում վերոնշյալ թեմայով՝ Լուսի Քոչարյանը հարցազրույց է տվել Պետրոս Ղազարյանին: Լ. Քոչարյանը մասնավորապես ընդգծել է, թե՝ «Ստամբուլյան կոնվենցիա արտահայտությունն առաջին անգամ լսել եմ երկու օր առաջ։ Սորոսի գրասենյակի տեղը չգիտեմ։ Գրանտ երբեք չեմ գրել, բնականաբար՝ չեմ ստացել։ Երբեք որեւէ կուսակցության անդամ չեմ եղել»:

Ըստ ռուսաստանաբնակ քաղաքագետ ՄԱՐԻԱՄ ՀՈՎՍԵՓՅԱՆԻ, ահա այսպես ուզում են կոտրել հայկական ազգային եւ ընտանեկան արժեհամակարգը, եւ մեր ազգը նույնպես տանել գլոբալիզացման, որ ավելի հեշտ ինտեգրեն եվրոպական օրենքները։

Քաղաքագետը նշել է. «Ակտիվ լրագրող, որը չգիտի, թե ինչ է Ստամբուլյան կոնվենցիան կամ որն է Սորոսի գրասենյակի հասցեն։ Չեխիան էլ երեւի էլի պատահական է ընկել այս պատմության մեջ, ինչպես չեխական կազմակերպության կողմից նոյեմբերին Հայաստանում անցկացված հեղափոխականների դպրոցը ԱՊՀ պետությունների երիտասարդների համար»։ Ապա շեշտել է. «Հանրայինի երեկվա հաղորդման սկզբից համոզված էի, որ նպատակը մեկն է, բայց, որ վերջում նա նաեւ կնշի հետեւյալը, չէի պատկերացնի։ Մանավորապես. «Մեր ազգին հարիր չի» արտահայտությունը այլեւս ակտուալ եւ կենսունակ չի, եւ մեր ազգը ոչ մի ֆենոմենալ եւ արտասովոր գծերով չի տարբերվում»։

Մ. Հովսեփյանը չի հերքում, որ հայրենասիրական դաստիարակության եւ առհասարակ դաստիրակության պակասից կարող են նման դեպքեր գյուղերում հանդիպել, եւ դա կանխելու համար պետք է շարունակական բնույթի աշխատանք իրականացնել, ոչ թե հրապակային դարձնել, որ շատերի ականջին սովորական դառնա. «Եվ շատերն էլ մտածեն, որ եթե բոլորը ենթարկվել են, ուրեմն՝ ինձ հետել է նույնը եղել 4 տարեկանում, ես ուղղակի չեմ հիշում` դրանով իսկ արդարացնելով իր սեռական շեղվածությունը, ինչ նպատակ որ հենց հետապնդում են թե՛ Լուսին , թե՛ նրա ետեւում կանգնած կառույցները։ Ասում է. «Ես իմ ճանաչած ամենաանկախ լրագրողներից մեկն եմ», իսկ կարող է դու քո ճանաչած միա՞կ լրագրողն ես։ Չասեք, որ չկան իր ետեւում կառույցներ կամ անհատներ, մի՞թե հնարավոր է Հանրային հեռուստաընկերության Prime time-ին առանց հատուկ «հանձնարարականի» եթեր հրավիրել մի աղջկա, կամ առանց որեւէ աջակցության՝ ֆինանսական եւ ռեսուրսային, իրականացնել հսկայածավալ խմբակային աշխատանք, PR արշավ եւ այլն»։

Եզրափակելով խոսքը՝ քաղաքագետը հավելում է. «38 ժամում նա հասցրել է 200-ից ավելի մարդու հետ շփվել հարցեր տալ, ճշտումներ անել, սղագրել, ինչպես նա է նշում, մի՞թե սա նախապես կազմակերպած եւ պլանավորած քայլ չէ՞, հարգելի՛ հայրենակիցներ։ Ուղղակի խնդրում եմ, մի՛ ենթարկվեք նման ինֆորմացիոն եւ հոգեբանական միտումնավոր բռնության»:

ՀՐԱՆՏ ՍԱՐԱՖՅԱՆ

Այս թեմայով Ով չի հիշում իր պատմությունը, չի հարգում անցյալը, նա չունի ներկա, առավել եւս` ապագա. Ղազարյան Մենք թույլ չենք տալու Արեւմուտքին վերաշարադրել պատմությունը. Երջանիկ Ղազարյան Ժամանակն է մեր խոսքն ասելու, պատրաստ ենք դժվարին պայքարին. Երջանիկ Ղազարյան Ստերիոտիպ կա, որ 2018–ին ճանապարհ փակելով հաղթել են, ապա մյուս բոլոր դեպքերում էլ նույն կերպ կհաղթեն. Քեռյան Չի բացառվում հասարակական մեծ լարումներ եւ նույնիսկ քաղաքացիական պատերազմ. Մհեր Հակոբյան